ସଞ୍ଜୀବନୀ ପାଇଁ ମିଳୁନି ସ୍ଲଟ୍‌

ଅନୁଗୋଳ ଅଫିସ, ୧୫ା୫ କରୋନାର ଦ୍ୱିତୀୟ ଲହରକୁ ନେଇ ସଭିଏଁ ଚିନ୍ତିତ। କେବେ ଏହା କବଳରୁ ମୁକ୍ତି ମିଳିବ ତାହା ଜଣାପଡ଼ୁ ନ ଥିବାବେଳେ ବର୍ଷାଧିକ ଧରି କୋଭିଡ୍‌ ବିରୋଧୀ ଯୁଦ୍ଧରେ ମାସ୍କ ଓ ସାମାଜିକ ଦୂରତ୍ୱ ହିଁ ମୁଖ୍ୟ ଅସ୍ତ୍ର ସାଜିଆସିଥିଲା। ହେଲେ ଟିକା ଆସିବା ପରେ ଏହା ଏକପ୍ରକାର ଆଶ୍ୱସ୍ତି ଦେଇଥିଲା। କିନ୍ତୁ ଟିକାକରଣକୁ ୪ ମାସ ପୂରିବାକୁ ବସିଥିଲେ ହେଁ କରୋନା ଯୋଦ୍ଧାଙ୍କ ବ୍ୟତୀତ ଜନସାଧାରଣ ସେପରି ଉପକୃତ ହୋଇପାରି ନାହାନ୍ତି। ବୟସ୍କମାନଙ୍କ ପ୍ରଥମ ଡୋଜ୍‌ ଶେଷ ହୋଇ ନ ଥିବାବେଳେ ରାଜ୍ୟ ସରକାର ମେ’ ୧ ତାରିଖରୁ ୧୮ରୁ ୪୪ ବର୍ଷର ଲୋକଙ୍କୁ ମାଗଣାରେ ଟିକା ଦେବାକୁ ଘୋଷଣା କରିଦେଲେ। ଏଥିପାଇଁ ସ୍ଲଟ୍‌ ବୁକିଂ କରିବାକୁ ପରାମର୍ଶ ମଧ୍ୟ ଦେଲେ। କିନ୍ତୁ ଅନୁଗୋଳ ଜିଲାର ଯୁବଗୋଷ୍ଠୀ ପୋର୍ଟାଲ ଖୋଲି ବସୁଥିଲେ ହେଁ ସ୍ଲଟ୍‌ ବୁକିଂରେ ଅନୁଗୋଳର ନାଁ ଆସୁନାହିଁ। ଜିଲାରେ କରୋନା ସଂକ୍ରମଣ ଗମ୍ଭୀର ସ୍ଥିତିରେ ପହଞ୍ଚିଥିବାରୁ ସଞ୍ଜୀବନୀ ପାଇଁ ଅପେକ୍ଷା କରିଥିବା ଯୁବପିଢ଼ି ହତାଶ ହୋଇପଡ଼ିଛନ୍ତି।
ମେ ୧ ତାରିଖରୁ ଯୁବ ବର୍ଗଙ୍କୁ ମାଗଣାରେ ଟିକା ପ୍ରଦାନ କରିବାକୁ ରାଜ୍ୟ ସରକାରଙ୍କ ଘୋଷଣା ସମସ୍ତଙ୍କ ପାଇଁ ଆଶ୍ୱାସନା ପାଲଟିଥିଲା। ଶୀଘ୍ର ଟିକା ମିଳିଯିବ ବୋଲି ଅନୁଗୋଳ ଜିଲାର ଲକ୍ଷାଧିକ ଯୁବତୀଯୁବକ ଆଶାବାଦୀ ହୋଇପଡ଼ିଥିଲେ। ଏପ୍ରିଲ ଶେଷ ସପ୍ତାହରୁ ଏଥିପାଇଁ ପଞ୍ଜୀକରଣ କରିବାକୁ ହେବ ବୋଲି ସରକାର କହିବା ପରେ ସେମାନେ ସ୍ଲଟ୍‌ ବୁକିଂ ପାଇଁ ପୋର୍ଟାଲ ସର୍ଚ୍ଚ କରିବା ଆରମ୍ଭ କରିଥିଲେ। ହେଲେ ଯୁବପିଢ଼ିଙ୍କ ଟିକାଦାନ ପ୍ରକ୍ରିୟାକୁ ଇତିମଧ୍ୟରେ ୧୪ ଦିନ ପୂରଣ ହୋଇଯାଇଥିଲେ ମଧ୍ୟ ଅନୁଗୋଳ ଜିଲା ପାଇଁ ସ୍ଲଟ୍‌ ମିଳୁନାହିଁ। ରାଜ୍ୟର ମାତ୍ର ୫ଟି ଜିଲାରେ ଯୁବ ଗୋଷ୍ଠୀଙ୍କୁ ଟିକା ପ୍ରଦାନର ସୁଯୋଗ ଥିବାରୁ ସେଠାରେ କାର୍ଯ୍ୟରତ ଅନୁଗୋଳ ଜିଲାର କେତେଜଣ ଯୁବତୀ ଯୁବକ ଟିକା ନେବାର ଯାହା ସାମାନ୍ୟ ସୁଯୋଗ ପାଇପାରିଛନ୍ତି। କିନ୍ତୁ ଜିଲାର ଯୁବପିଢ଼ିଙ୍କ ପାଇଁ ସେହି ସୁଯୋଗ ଏଯାଏ ସରକାରଙ୍କ ପକ୍ଷରୁ ଦିଆଯାଇ ନାହିଁ। ଏପରିସ୍ଥଳେ କରୋନା ସଂକ୍ରମଣର ଦ୍ରୁତଗତିକୁ ନେଇ ସେମାନେ ଭୟଭୀତ ହୋଇପଡ଼ିଛନ୍ତି। ଗତ ୨ ଦିନ ଧରି ଜିଲାରୁ ଦୈନିକ ୬ଶହରୁ ଅଧିକ ପଜିଟିଭ୍‌ ଚିହ୍ନଟ ହେବା ଓ ଲଗାତର ମୃତ୍ୟୁ ସଂଖ୍ୟା ବଢ଼ିବା ଯୁବଗୋଷ୍ଠୀଙ୍କୁ ଚିନ୍ତାରେ ପକାଇ ଦେଇଛି। ଜିଲାର ଯୁବତୀ ଯୁବକଙ୍କୁ ଶୀଘ୍ର ଟିକାକରଣରେ ସାମିଲ କରା ନ ଗଲେ ସଂକ୍ରମିତଙ୍କ ସଂଖ୍ୟାରେ ରୋକ୍‌ ଲଗାଯିବା ସମ୍ଭବ ହୋଇ ନ ପାରେ ବୋଲି କୁହାଯାଉଛି। ଅନ୍ୟପକ୍ଷରେ ସରକାରଙ୍କ ନିକଟରୁ ନିର୍ଦ୍ଦେଶନାମା ଆସି ନ ଥିବାରୁ ପ୍ରଶାସନ ଏ ଦିଗରେ ପଦକ୍ଷେପ ନେଇପାରୁ ନାହିଁ।

ଯୁବଗୋଷ୍ଠୀ ସୁରକ୍ଷିତ ମଣୁନାହାନ୍ତି
ଅନୁଗୋଳ ଜିଲାରେ କରୋନା ସଂକ୍ରମଣ ଯେପରି ବଢ଼ୁଛି ଏହାକୁ ନେଇ ଯୁବଗୋଷ୍ଠୀ ଭୟଭୀତ ହୋଇପଡ଼ିଛନ୍ତି। ସେମାନେ ଆଉ ନିଜକୁ ସୁରକ୍ଷିତ ମଣୁନାହାନ୍ତି। ଶୀଘ୍ର ସେମାନଙ୍କୁ ଟିକା ପ୍ରଦାନ କରାଗଲେ ଜୀବନ ପ୍ରତି ବିପଦ ଆଶଙ୍କା କମିଯାଆନ୍ତା। ହେଲେ ସ୍ଲଟ ମିଳୁ ନ ଥିବାରୁ ଚିନ୍ତା ବଢ଼ିବାରେ ଲାଗିଛି।
-ସୁନୀଲ କୁମାର ଦାସ, ଅନୁଗୋଳ
ସ୍ଥିତି ଦେଖି ଭୟ ଲାଗିଲାଣି
ଏହି ମହାମାରୀ କବଳରୁ ଲୋକଙ୍କ ଜୀବନ ବଞ୍ଚାଇବାକୁ ହେଲେ ଟିକା ନିହାତି ଜରୁରୀ। ସରକାର ଏ ନେଇ ସମସ୍ତଙ୍କୁ ପରାମର୍ଶ ଦେଉଥିଲେ ହେଁ ଟିକା ମହଜୁଦ ନାହିଁ। ବିଭିନ୍ନ ଟିକାକରଣ କେନ୍ଦ୍ରକୁ ଯାଇ ବୟସ୍କମାନେ ଫେରୁଥିବାବେଳେ ଯୁବଗୋଷ୍ଠୀଙ୍କ କଥା ବିଚାରକୁ ନିଆଯାଉ ନାହିଁ। ସଂକ୍ରମଣ ସ୍ଥିତି ଦେଖି ଭୟ ଲାଗିଲାଣି।
-ହ୍ରିତିକା ମିଶ୍ର, ଅନୁଗୋଳ
ଜୀବନ ପାଇଁ ସଞ୍ଜୀବନୀ ଆବଶ୍ୟକ
କରୋନାର ପ୍ରଥମ ଲହର ଯେତିକି ଭୟଭୀତ କରି ନ ଥିଲା, ଦ୍ୱିତୀୟ ଲହର ଜୀବନ ପ୍ରତି ସେତିକି ବିପଦ ଆଶଙ୍କା ବଢ଼ାଇ ଦେଉଛି। ଜିଲାରୁ ଦୈନିକ ଏକାଧିକ ଲୋକଙ୍କ ଜୀବନ ଯାଉଛି। ତେଣୁ ଜୀବନ ବଞ୍ଚାଇବା ପାଇଁ ସଞ୍ଜୀବନୀର ଆବଶ୍ୟକତା ରହିଛି। ଯୁବଗୋଷ୍ଠୀଙ୍କୁ ଯଥାଶୀଘ୍ର ଟିକା ପ୍ରଦାନ ବ୍ୟବସ୍ଥା କରାଯିବା ଦରକାର।
-କାଞ୍ଚନ ସିଂହ, ଅନୁଗୋଳ
ତୁରନ୍ତ ପଦକ୍ଷେପ ନିଆଯାଉ
କରୋନା ମହାମାରୀରେ ଅନୁଗୋଳ ଜିଲା ସମୂର୍ଣ୍ଣ ଭାବେ ପ୍ରଭାବିତ। ଦୈନିକ ସଂକ୍ରମଣରେ ଏହା ନୂଆ ନୂଆ ରେକର୍ଡ କରୁଛି। ହେଲେ ଆବଶ୍ୟକତା ଅନୁଯାୟୀ ଟିକାକରଣ ହୋଇପାରୁ ନାହିଁ। ୧୮ରୁ ୪୪ ବର୍ଷର ବ୍ୟକ୍ତିଙ୍କ ଟିକାଦାନ ଆରମ୍ଭ ହୋଇପାରୁ ନାହିଁ। ଏ ନେଇ ସରକାରଙ୍କ ତରଫରୁ ତୁରନ୍ତ ପଦକ୍ଷେପ ନିଆଯିବା ଆବଶ୍ୟକ।
-ଶାଶ୍ୱତୀ ପାଣିଗ୍ରାହୀ, ଅନୁଗୋଳ
ସରକାରଙ୍କ ନିକଟରୁ ନିର୍ଦ୍ଦେଶ ଆସିନାହିଁ
୧୮ରୁ ୪୪ ବର୍ଷର ଯବଗୋଷ୍ଠୀଙ୍କୁ ଟିକାଦାନ ପାଇଁ ସରକାରଙ୍କ ନିକଟରୁ ନିର୍ଦ୍ଦେଶ ଆସିନାହିଁ। ଏହି ନିର୍ଦ୍ଦେଶନାମା ଆସିବା ପରେ ପଦକ୍ଷେପ ନିଆଯିବ। ରାଜ୍ୟ ସରକାର ଏବେ ୫ଟି ଜିଲାରେ ଯୁବଗୋଷ୍ଠୀଙ୍କୁ ଟିକା ପାଇଁ ନିର୍ଦ୍ଦେଶ ଦେଇଛନ୍ତି। ସରକାରଙ୍କ ନିର୍ଦ୍ଦେଶ ମିଳିବା ପରେ ଅନୁଗୋଳ ଜିଲାରେ ଏହାକୁ କାର୍ଯ୍ୟକାରୀ କରାଯିବ।
-ଡାକ୍ତର ଧନଞ୍ଜୟ ବେହେରା, ଏଡିଏମ୍‌ଓ(ଜନସ୍ବାସ୍ଥ୍ୟ)


Enter your email to get our daily news in your inbox.

All Right Reserved By Dharitri.Com

ବଦଳିଲା ସମୟ: ଏଣିକି ୯ଟାରୁ ସାଢ଼େ ୪ଟା ଯାଏ ସ୍କୁଲରେ ରହିବେ ଶିକ୍ଷୟିତ୍ରୀ-ଶିକ୍ଷକ

ଭୁବନେଶ୍ୱର,୧୮।୯(ବ୍ୟୁରୋ): ରାଜ୍ୟ ସରକାରଙ୍କ ପକ୍ଷରୁ ସ୍କୁଲ ସମୟରେ ପରିବର୍ତ୍ତନ କରାଯାଇଛି। ଏଥିସହ ବଦଳିଛି ଶିକ୍ଷକ ଏବଂ ଶିକ୍ଷୟିତ୍ରୀଙ୍କ କାର୍ଯ୍ୟ ସମୟ। ପୂର୍ବରୁ ୧୦ଟାରୁ ୪ଟା ଯାଏ...

ଅନୁଗୋଳ ଜିଲାରେ ୬୫୨ ଅଙ୍ଗନଓ୍ବାଡି କେନ୍ଦ୍ରର ନିଜସ୍ବ ଗୃହ ନାହିଁ

ଭୁବନେଶ୍ୱର,୧୭।୧୧(ବ୍ୟୁରୋ): ଅନୁଗୋଳ ଜିଲାରେ ମୋଟ ୧୬୫୪ଟି ଅଙ୍ଗନଓ୍ବାଡି କେନ୍ଦ୍ର ରହିଛି। ସେଥିରୁ ୧୦୦୨ଟିର ନିଜସ୍ବ ଗୃହ ଥିବାବେଳେ ୬୫୨ର ନିଜସ୍ବ ଗୃହ ନାହିଁ। ୩୩୧ଟି ଗୃହ...

ବିଭିନ୍ନ ପ୍ରାନ୍ତକୁ ପୂର୍ବତଟ ରେଳପଥର ସ୍ବତନ୍ତ୍ର ଟ୍ରେନ

ଭୁବନେଶ୍ୱର,୮ା୧୧(ବ୍ୟୁରୋ):ପୂଜା ସମୟରେ ପୂର୍ବତଟ ରେଳପଥ ପକ୍ଷରୁ କରାଯାଇଥିବା ସ୍ବତନ୍ତ୍ର ଟ୍ରେନ ପାଇଁ ଯାତ୍ରୀ ଆଗ୍ରହ ଦେଖାଇଛନ୍ତି। ପୁରୀ-ଅମୃତସର ସ୍ବତନ୍ତ୍ର ଟ୍ରେନରେ ପୂର୍ଣ୍ଣମାତ୍ରାରେ ସଂରକ୍ଷିତ ହୋଇଛି ବୋଲି...

ରାଜ୍ୟରେ କରୋନାର ସଙ୍ଗିନ ସ୍ଥିତି: ଦିନକରେ ୧୭ ଶହ ଟପିଲା ଆକ୍ରାନ୍ତଙ୍କ ସଂଖ୍ୟା, ଆଖିବୁଜିଲେ ୨

ଭୁବନେଶ୍ୱର,୧୩।୪(ବ୍ୟୁରୋ): ରାଜ୍ୟରେ ଦିନକୁ ଦିନ କରୋନା ଚିନ୍ତା ବଢ଼ାଉଛି। ପରିସ୍ଥିତି ସଙ୍ଗିନ ହେବାରେ ଲାଗିଛି। ମଙ୍ଗଳବାର ରାଜ୍ୟରେ ୧୭୮୪ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି।...

ସାର ପାଇଁ ଆଧାର: ଚାଷୀଙ୍କ ଆକାଉଣ୍ଟକୁ ଯିବ ସବ୍‌ସିଡି ଟଙ୍କା; ଆସନ୍ତାବର୍ଷରୁ କାର୍ଯ୍ୟକାରୀ ହେବ ଡିବିଟି

ଭୁବନେଶ୍ୱର,୨୨। ୯(ବ୍ୟୁରୋ): ସାଧାରଣ ଖାଉଟି ବଣ୍ଟନ ବ୍ୟବସ୍ଥାରେ ଖାଦ୍ୟ ସାମଗ୍ରୀ ନେବା ଏବଂ ଧାନ ବିକିବା ପାଇଁ ଆଧାର କାର୍ଡ ସଂଯୋଗକୁ ବାଧ୍ୟତାମୂଳକ କରାଯାଇଥିବା ବେଳେ...

ନବୀନଙ୍କ ଗସ୍ତ ପୂର୍ବରୁ ବିଜେଡିକୁ ଝଟକା: ବିଧାୟକଙ୍କ ଗାଁରୁ ପଦ୍ମ ଧରିଲେ ଶତାଧିକ କର୍ମୀ

ଅନୁଗୋଳ ଅଫିସ, ୧୮।୪- ଅନୁଗୋଳ ବିଜେଡିକୁ ବୁଧବାର ପୁଣି ଲାଗିଛି ଝଟକା। ୩ ଥରର ବିଧାୟକ ତଥା ୪ର୍ଥ ଥର ପାଇଁ ପ୍ରାର୍ଥୀ ହୋଇଥିବା ଜିଲା...

ଓଡ଼ିଆ ବୈଜ୍ଞାନିକ ଜ୍ୟୋତିର୍ମୟୀ ଦାଶ ପାଇବେ ‘ଶାନ୍ତି ସ୍ବରୂପ ଭଟ୍ଟନାଗର ପୁରସ୍କାର’

ଭୁବନେଶ୍ୱର,୨୮ା୯:  ବିଜ୍ଞାନ କ୍ଷେତ୍ରରେ ଦେଶର ସର୍ବୋଚ୍ଚ ସମ୍ମାନ ‘ଶାନ୍ତି ସ୍ବରୂପ ଭଟ୍ଟନାଗର ପୁରସ୍କାର-୨୦୨୦’ ପାଇଁ ଓଡ଼ିଆ ବୈଜ୍ଞାନିକ ଜ୍ୟୋତିର୍ମୟୀ ଦାଶ ମନୋନୀତ ହୋଇଛନ୍ତି। କାଉନ୍‌ସିଲ ଫର୍‌...

ଚିନ୍ତା ବଢ଼ାଇଲାଣି ରାଜଧାନୀ: ୨୫ କରୋନା ପଜିଟିଭ ଚିହ୍ନଟ; ୨୩ ସ୍ଥାନୀୟ ଅଞ୍ଚଳର

ଭୁବନେଶ୍ୱର, ୨୯।୬(ବ୍ୟୁରୋ): ରାଜଧାନୀ ଭୁବନେଶ୍ୱରରୁ ସୋମବାର ଆଉ ୨୫ କରୋନା ପଜିଟିଭ ଚିହ୍ନଟ ହୋଇଛନ୍ତି। ସେଥିମଧ୍ୟରେ ୨୩ ଲୋକାଲ୍‌ କେସ୍‌ ରହିଥିବା ବେଳେ ୨ ହୋମ୍‌...

Advertisement


Archives

Model This Week

Why Dharitri