ଛତ୍ରପୁର,୨ା୯(ଡି.ଏନ୍.ଏ.): ଗଞ୍ଜାମ ଜିଲାରୁ ଅନ୍ୟ ଜିଲାକୁ ଗାଡ଼ିରେ ଯାତ୍ରା କରିବା ପାଇଁ ଅନୁମତି ସହ ପାସ ଆଉ ଦରକାର ପଡ଼ିବନି। ଏହି ନିୟମ ତଥା ବ୍ୟବସ୍ଥାକୁ ଗଞ୍ଜାମ ଜିଲାରୁ ମଙ୍ଗଳବାରଠାରୁ ଉଠାଇ ଦିଆଯାଇଛି। ଗଞ୍ଜାମରେ କରୋନା ସ୍ଥିତିରେ ସୁଧାର ଆସିଥିବାରୁ ଏପରି ପଦକ୍ଷେପ ନିଆଯାଇଛି। ଫଳରେ ଜିଲାର ବ୍ରହ୍ମପୁର, ଛତ୍ରପୁର, ଭଞ୍ଜନଗର ଉପଜିଲାପାଳଙ୍କ କାର୍ଯ୍ୟାଳୟରେ ଏଥିପାଇଁ ଖୋଲିଥିବା କେନ୍ଦ୍ର ବନ୍ଦ କରି ଦିଆଯାଇଛି। ପୂର୍ବରୁ ଗଞ୍ଜାମରୁ ରାଜ୍ୟର ଅନ୍ୟ ଜିଲାକୁ ଗାଡ଼ିରେ ଯିବା ପାଇଁ ଅନୁମତି ତଥା ଗାଡ଼ି ପାସ ଉପଜିଲାପାଳଙ୍କ ଅଫିସରୁ ମିଳୁଥିଲା। ଗଞ୍ଜାମରେ କରୋନା ସଂକ୍ରମଣ ବଢ଼ୁଥିବାରୁ ଏଭଳି ପାସ ବ୍ୟବସ୍ଥା ହୋଇଥିଲା।
