ପାଟନା,୧୨।୧୨ : ବିହାରରେ ଭାଜପା ଏବଂ ଜେଡିୟୁ ରାସ୍ତା ଅଲଗା ହେବା ପରେ ଭୟଙ୍କ ମଧ୍ୟରେ ଲଗାତାର ବିବାଦ ଲାଗିରହିଛି। ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଭାଜପା ଏକ ଷଡଯନ୍ତ୍ର ରଚିଥିବା ଅଭିଯୋଗ କରିଥିଲେ। ବର୍ତ୍ତମାନ ନୀତୀଶ କୁମାରଙ୍କ ବିବୃତ୍ତି ନେଇ ବିହାର ଭାଜପା ସଭାପତି ସଞ୍ଜୟ ଜୟସ୍ବାଲ କଟାକ୍ଷ କରି କହିଛନ୍ତି ଯେ ଭାଜପା ତାଙ୍କ ସହ ମିଳିତ ହୋଇ ୧୭ ବର୍ଷ କାର୍ଯ୍ୟ କରିଛି। ତେବେ ନୀତୀଶ ୨୦୧୩ ଏବଂ ୨୦୨୨ ପ୍ରତାରଣା କରିଛନ୍ତି।
ସଞ୍ଜୟ କହିଛନ୍ତି ଯେ ନୀତୀଶ ପ୍ରତ୍ୟେକ ଦଳକୁ ଦାସ ଭାବରେ ରଖିବାକୁ ଚାହୁଁଛନ୍ତି। ଯଦି ସମସ୍ତେ ତାଙ୍କୁ ପ୍ରଧାନମନ୍ତ୍ରୀ ପଦ ପାଇଁ ପ୍ରାର୍ଥୀତ୍ୱକୁ ଗ୍ରହଣ ନକରନ୍ତି, ତେବେ ସେ ପୁଣି ଓହରିବେ । ସେ ପୁଣି ଭାଜପାକୁ ଫେରିବାର ଉଦ୍ୟମ କରିବେ। କିନ୍ତୁ ଏଥର ଭାଜପା ନୀତୀଶ କୌଣସି ମୂଲ୍ୟରେ ଫେରାଇ ନେବ ନାହିଁ, ମୁଁ ଏହା ନିଶ୍ଚିତ ଭାବେ କହିପାରେ।
ପ୍ରଧାନମନ୍ତ୍ରୀ ହେବାର ସ୍ବପ୍ନ ଦେଖୁଛନ୍ତି ନୀତୀଶ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପରାସ୍ତ କରିବା ଲାଗି ତାଙ୍କର ବହୁତ ଇଚ୍ଛା ଅଛି। ତେଣୁ ସେ ଆଶା କରୁଛନ୍ତି ଯେ ସମସ୍ତ ଦଳ ତାଙ୍କୁ ପ୍ରଧାନମନ୍ତ୍ରୀ ରୂପେ ପ୍ରୋଜେକ୍ଟ କରିବେ। ସେଥିପାଇଁ ସେ ସମସ୍ତ ଦଳକୁ ଅନୁସରଣ କରୁଥିଲେ କିନ୍ତୁ ସେ ଦେଶର ଲୋକଙ୍କ ମତାମତ ନେଉନାହାଁନ୍ତି। ଦେଶର ଲୋକମାନେ ପ୍ରଧାନମନ୍ତ୍ରୀ ମୋଦିଙ୍କ ସହ ଅଛନ୍ତି ବୋଲି ସେ କହିଛନ୍ତି।
