ନୂଆଦିଲ୍ଲୀ,୧୮।୩: କେନ୍ଦ୍ର ସଡକ ପରିବହନ ଏବଂ ରାଜପଥ ମନ୍ତ୍ରୀ ନିତିନ ଗଡକରୀ ଗୁରୁବାର ସଂସଦରେ ଏକ ବଡ ଘୋଷଣା କରିଛନ୍ତି। ସେ କହିଛନ୍ତି ଯେ, ସରକାର ଆଗାମୀ ଗୋଟିଏ ବର୍ଷ ମଧ୍ୟରେ ସମସ୍ତ ଟୋଲ ପ୍ଲାଜାଗୁଡିକ ହଟାଇବାର ଯୋଜନା କରୁଛନ୍ତି। ଆଗାମୀ ଦିନରେ ନୂଆ ଟେକ୍ନୋଲୋଜି ପ୍ରୟୋଗ କରି ଟୋଲ୍ ଆଦାୟ ହେବ। ପୂର୍ବ ସରକାର ସମୟରେ ସହରାଞ୍ଚଳର ଅନେକ ସ୍ଥାନରେ ଟୋଲ ତିଆରି କରାଯାଇଥିଲା ଯାହା ଭୁଲ ଏବଂ ଅନ୍ୟାୟ ଅଟେ ଏବଂ ଏକ ବର୍ଷ ମଧ୍ୟରେ ଅପସାରଣ କାର୍ଯ୍ୟ ଶେଷ ହେବ। ଏବେ ଗାଡିରେ ଜିପିଏସ ସିଷ୍ଟମ ଲଗାଯିବ, ଯାହା ସାହାଯ୍ୟରେ ଟୋଲ ଚାର୍ଜ ପ୍ରଦାନ କରାଯାଇପାରିବ ବୋଲି ସେ କହିଛନ୍ତି। ଲୋକ ସଭାର ପ୍ରଶ୍ନକାଳ ସମୟରେ ଗୃହର ସଦସ୍ୟ ଗୁରୁଜିତ୍ ଔଜଲା, ଦୀପକ ବାଜ ଏବଂ କୁନୱାର୍ ଡାନିଶ ଅଲି ସପ୍ଲିମେଣ୍ଟାରୀ ପ୍ରଶ୍ନର ଉତ୍ତରରେ ମନ୍ତ୍ରୀ ଏହି ସୂଚନା ଦେଇଥିଲେ।
