‘ଯୋଦ୍ଧା ଆକବର’, ‘ଦେବଦାସ’ ଏବଂ ‘ଲଗାନ’ ଭଳି ସୁପରହିଟ୍ ଚଳଚ୍ଚିତ୍ରର ସେଟ ଡିଜାଇନ କରିଥିବା କଳା ନିର୍ଦ୍ଦେଶକ ନିତିନ ଦେଶାଇ ଆତ୍ମହତ୍ୟା କରିଛନ୍ତି। ଏନଡି ଷ୍ଟୁଡିଓର ପ୍ରତିଷ୍ଠାତା ନିତିନ ନିଜ ଷ୍ଟୁଡିଓରେ ହିଁ ଫାଶୀ ଲଗାଇ ଦେଇଛନ୍ତି। ତାଙ୍କ ମୃତ୍ୟୁରେ ବଲିଉଡରେ ଶୋକର ଲହରୀ ଖେଳିଯାଇଛି। ବଲିଉଡ ଇଣ୍ଡଷ୍ଟ୍ରିର ଭେଟେରାନ ଅଭିନେତାମାନେ ନିତିନଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି।
ବଲିଉଡର ଡ୍ରିମ ଗର୍ଲ ହେମା ମାଲିନି ନିତିନ ଦେଶାଇଙ୍କ ସହ ଏକ ଫଟୋ ଶେୟାର କରି ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ସେ ଲେଖିଛନ୍ତି- ସକାଳର ଆଶ୍ଚର୍ଯ୍ୟଜନକ ଖବର, କଳା ନିର୍ଦ୍ଦେଶକ ନିତିନ ଦେଶାଇ ଆଉ ନାହାଁନ୍ତି। ସେ ବହୁତ ଭଲ ବ୍ୟକ୍ତି ଥିଲେ। ତାଙ୍କ ସହିତ ଅନେକ ପ୍ରୋଜେକ୍ଟରେ କାମ କରଥିଲି। ଚଳଚ୍ଚିତ୍ର ଶିଳ୍ପ ପାଇଁ ଏହା ଏକ ବଡ କ୍ଷତି। ବଲିଉଡ ଅଭିନେତା ସଞ୍ଜୟ ଦତ୍ତ, ରିତେଶ ଦେଶମୁଖ, ଅକ୍ଷୟ କୁମାର ପ୍ରମୁଖ ନିତିନଙ୍କ ମୃତ୍ୟୁରେ ଶୋକ ପ୍ରକାଶ କରିଛନ୍ତି।
ନିତିନ ଅନେକ ସୁପରହିଟ୍ ଚଳଚ୍ଚିତ୍ରରେ କାର୍ଯ୍ୟ କରିଛନ୍ତି। ଏଥିମଧ୍ୟରେ ହମ ଦିଲ ଦେ ଚୁକେ ସନମ, ଲଗାନ, ଯୋଦ୍ଧା ଆକବର ଏବଂ ପ୍ରେମ ରତନ ଧନ ପାୟୋ ସାମିଲ ଅଛି। ନିତିନ ଏହି ଚଳଚ୍ଚିତ୍ରଗୁଡ଼ିକର ସେଟ ଡିଜାଇନ କରିଥିଲେ।ଏହି ସମସ୍ତ ଚଳଚ୍ଚିତ୍ରରେ ଗ୍ରାଣ୍ଡ ସେଟ ପ୍ରଦର୍ଶିତ ହୋଇଥିଲା, ଯାହା ପ୍ରତ୍ୟେକ ଥର ପ୍ରଶଂସିତ ହୁଏ। ନିତିନଙ୍କୁ ଚାରିଟି ଜାତୀୟ ପୁରସ୍କାର ମଧ୍ୟ ମିଳିଛି। ଶ୍ରେଷ୍ଠ କଳା ନିର୍ଦ୍ଦେଶନା ପାଇଁ ତାଙ୍କୁ ଏହି ପୁରସ୍କାରରେ ସମ୍ମାନିତ କରାଯାଇଥିଲା।
ସେଟ ଡିଜାଇନ କରିବା ସହିତ ନିତିନ ଦେଶାଇ ମଧ୍ୟ ଅଭିନୟ କରିଥିଲେ।ନିତିନ ଦାଉଦ ଫନ୍ ଅନ ଦ ରନ, ହେଲୋ ଜୟ ହିନ୍ଦ ଏବଂ ହମ ସବ ଏକ ହେଁ ଭଳି ଅନେକ ଚଳଚ୍ଚିତ୍ରରେ ଅଭିନୟ କରିଥିଲେ। କେବଳ ଏତିକି ନୁହେଁ,ସେ ଫିଲ୍ମର ନିର୍ଦ୍ଦେଶନା ମଧ୍ୟ ଦେଇଛନ୍ତି। ୨୦୧୧ ଚଳଚ୍ଚିତ୍ର ହେଲୋ ଜୟ ହିନ୍ଦରେ ନିତିନ ନିର୍ଦ୍ଦେଶନା ଦେବା ସହିତ ଅଭିନୟ କରିଥିଲେ। ସେ ଏକ ମରାଠୀ ଚଳଚ୍ଚିତ୍ରର ନିର୍ଦ୍ଦେଶନା ମଧ୍ୟ ଦେଇଥିଲେ।
