ମୁମ୍ବାଇ,୯।୬: ମହାରାଷ୍ଟ୍ରର ଭାରତୀୟ ଜନତା ପାର୍ଟି(ଭାଜପା) ନେତା ନୀଲେଶ ରାଣେ ଗୁରୁବାର କହିଛନ୍ତି ରାଷ୍ଟ୍ରବାଦୀ କଂଗ୍ରେସ ପାର୍ଟି(ଏନସିପି) ମୁଖ୍ୟ ଶରଦ ପାଓ୍ବାର ଔରଙ୍ଗଜେବଙ୍କ ପୁନର୍ଜନ୍ମ । ଏନସିପି ଏହା ବିରୋଧରେ ଶୁକ୍ରବାର ମୁମ୍ବାଇରେ ଜେଲ ଭରୋ ଆନ୍ଦୋଳନ ଘୋଷଣା କରିଛି।
ଭାଜପା ନେତା ତଥା ପୂର୍ବତନ ଏମପି ନୀଲେଶ ରାଣେ ମରାଠି ଭାଷାରେ ଟୁଇଟ କରି ଲେଖିଛନ୍ତି କି ନିର୍ବାଚନ ପାଖେଇ ଆସୁ ଆସୁପାଓ୍ବାର ମୁସଲିମ ସମାଜ ପାଇଁ ଚିନ୍ତାଗ୍ରସ୍ତ ହୋଇଯାଇଛନ୍ତି। କେବେ କେବେ ଲାଗୁଛି କି ଶରଦ ପାଓ୍ବାର ଔରଙ୍ଗଜେବଙ୍କ ପୁନର୍ଜନ୍ମ।
ସୂଚନାଯୋଗ୍ୟ, କୋହ୍ଲାପୁରରେ ଉତ୍ତେଜନା ପରେ ଏନସିପି ମୁଖ୍ୟ ଶରଦ ପାୱାର କହିଛନ୍ତି ଯେ ପରିସ୍ଥିତି ଏପରି ଯେ ମୁସଲମାନ ଏବଂ ଖ୍ରୀଷ୍ଟିଆନ ଧର୍ମର ଲୋକଙ୍କ ବିଷୟରେ ଚିନ୍ତା କରିବା ଉଚିତ। ବାସ୍ତବରେ, ମହାରାଷ୍ଟ୍ରର କିଛି ମୁସଲମାନ ଯୁବକଙ୍କ ନାମରେ କୋହ୍ଲାପୁରରେ ଔରଙ୍ଗଜେବ ଏବଂ ଟିପୁ ସୁଲତାନଙ୍କ ଫଟୋ ଷ୍ଟାଟସ ରଖଇବାରୁ କୋହ୍ଲାପୁରରେ ହିଂସା ଉପୁଜିଥିଲା।
ଜୁନ ୭ରେ ହିନ୍ଦୁତ୍ୱ ସଂଗଠନ କୋହ୍ଲାପୁରରେ ଏକ ବିକ୍ଷୋଭ ପ୍ରଦର୍ଶନ କରିଥିଲେ। ଏହି ସମୟରେ ଅନେକ ସ୍ଥାନରେ ପଥର ଫିଙ୍ଗିବା ଏବଂ ହିଂସା ପରିସ୍ଥିତି ଦେଖି ପୋଲିସ ଲାଠିଚାର୍ଡ କରିଥିଲା। ଏହି ମାମଲାରେ ଏପର୍ଯ୍ୟନ୍ତ ୩୬ଜଣଙ୍କୁ ଗିରଫ କରାଯାଇଛି।
