କେସିଙ୍ଗା,୧ା୭(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ସହରସ୍ଥିତ ସଚେତନ ନାଗରିକ ମଞ୍ଚ କେସିଙ୍ଗାର ନୂଆ କମିଟି ଆର୍ଏମ୍ସିର ସଭାଗୃହରେ ପୂର୍ବତନ ସଭାପତି ଚିତ୍ତରଞ୍ଜନ ଭୋଇଙ୍କ ସଭାପତିତ୍ୱରେ ସଭା କାର୍ଯ୍ୟକ୍ରମ ଆରମ୍ଭ ହୋଇଥିଲା। ସଂଗଠନର ନୂଆ ସଭାପତି ଭାବେ ଗୋବିନ୍ଦ ବନଛୋରନ ଚୟନ ହୋଇଥିବାବେଳେ ଉପସଭାପତି ଭାବେ ସରିତା ସିନ୍ଦୂର, ରାମଜୀ ମାତଖଣ୍ଡିଆ, ରାମଲାଲ ସୁନାନୀ, ରଘୁରାଜ ସିଂହ ମନୋନୀତ ହୋଇଛନ୍ତି। ସାଧାରଣ ସମ୍ପାଦକ ଭାବେ ଟିକେମନ ଦୀପ, ଏଲ୍.କେ. ନାଇଡୁ ସମ୍ପାଦକ ରୂପେ ନିକିତା ଜୈନ, ନଳିନୀକାନ୍ତ ପଟ୍ଟନାୟକ, ପ୍ରମୋଦ ଭୋଇ, ଗୀତାଞ୍ଜଳି ଭୋଇ ଏବଂ ରିଷଭ ଜୈନ କୋଷାଧ୍ୟକ୍ଷ ଭାବେ ରମେଶ ପଟ୍ଟନାୟକ ଏବଂ ଯୁଗ୍ମ କୋଷାଧ୍ୟକ୍ଷ ଭାବେ ଚମ୍ପକ ସାହାଙ୍କୁ ଘୋଷଣା କରାଯାଇଛି। ଗଣମାଧ୍ୟମ ସେଲ ମୁଖ୍ୟ ଭାବେ ସାମ୍ବାଦିକ ମହାସଂଘର ସଭାପତି ଦୟାନିଧି ସୁନାନୀଙ୍କୁ ମନୋନୀତ କରାଯାଇଛି। ବୈଠକକୁ ସାଧାରଣ ସମ୍ପାଦକ ଟିକେମନ ଦୀପ ପରିଚାଳନା କରିଥିଲେ। ଶେଷରେ ବରିଷ୍ଠ କର୍ମକର୍ତ୍ତା ରାମଜୀ ମାତଖଣ୍ଡିଆ ଧନ୍ୟବାଦ ଅର୍ପଣ କରିଥିଲେ।