ଲକ୍ଷ୍ନୌ,୧୫।୧୧: ନୂଆଦିଲ୍ଲୀ-ଦରଭଙ୍ଗା(୦୨୫୭୦) ଏକ୍ସପ୍ରେସରେ ନିଆଁ ଲାଗି ବଗି ଗୁଡ଼ିକ ଜଳି ପାଉଁଶ ହୋଇଯାଇଛି। ଟ୍ରେନ୍ରେ କ୍ଷମତାଠାରୁ ଅଧିକ ଯାତ୍ରୀ ଥିବା ବେଳେ ସମସ୍ତେ ଟ୍ରେନ୍ରୁ ଡେଇଁ ଜୀବନ ବଞ୍ଚାଇଛନ୍ତି। ଏଯାବତ ଏହି ଭୟଙ୍କର ଦୁର୍ଘଟଣାରେ ଜନଜୀବନ କ୍ଷୟକ୍ଷତି ହେବାର ଖବର ମିଳିନାହିଁ। ତେବେ ଘଟଣାସ୍ଥଳରୁ ଆସିଥିବା ଫଟୋରେ ଏହାର ଭୟାବହତା ସ୍ପଷ୍ଟ ବାରି ହୋଇ ପଡ଼ୁଛି।
ସିପିଆର୍ଓ ମୁତାବକ, ଇଟାଓ୍ବା ପୂର୍ବରୁ ସରାୟ ଭୂପତ ଷ୍ଟେଶନ ଦେଇ ଏକ୍ସପ୍ରେସଟି ଯାଉଥିବା ବେଳେ ଷ୍ଟେଶନ ମାଷ୍ଟର ସ୍ଲିପର କୋଚ୍ରୁ ଧୂଆଁ ବାହାରୁଥିବା ଦେଖିବାକୁ ପାଇଥିଲେ। ସେ ଏନେଇ ଟ୍ରେନ୍ ଡ୍ରାଇଭର ଏବଂ ଗାର୍ଡକୁ ସୂଚନା ଦେଇ ଏକ୍ସପ୍ରେସକୁ ରୋକିଥିଲେ ଏବଂ ପାଓ୍ବାର ଅଫ୍ କରାଯାଇଥିଲା। ଏହାପରେ ସ୍ଲିପର କୋଚ୍ରେ ଥିବା ଯାତ୍ରୀଙ୍କୁ ଓହ୍ଲାଇ ଦିଆଯାଇଥିଲା। ପରେ ଦମକଳବାହିନୀ ଆସି ନିଆଁ ଉପରେ ଆୟତ୍ତ କରିଥିଲେ। ଫଳରେ ଜୀବନହାନୀ ହୋଇ ନ ଥିଲା।
ତେବେ ସମସ୍ତିପୁରରେ ଭାଗଲପୁରରୁ ଜୟନଗର ଯାଉଥିବା ଇଣ୍ଟରସିଟି ଏକ୍ସପ୍ରେସରେ ବିସ୍ଫୋରଣ ଘଟି ନିଆଁ ଲାଗିଯାଇଥିଲା। ଏଥିରେ ଜଣେ ମହିଳା ଯାତ୍ରୀଙ୍କ ସହ କିଛି ଅନ୍ୟ ଯାତ୍ରୀ ଆହତ ହୋଇଥିଲେ। ଏହି ମାମଲାରେ ଆର୍ପିଏଫ୍ର ଟିମ୍ ଜଣେ ସନ୍ଦିଗ୍ଧଙ୍କୁ ଅଟକ ରଖି ପଚରାଉଚରା କରୁଛି।
