ନୂଆଦିଲ୍ଲୀ,୨୩।୩: ଦେଶରେ ପୁଣି ଥରେ କରୋନା ମାମଲା ବୃଦ୍ଧି ପାଇବାରେ ଲାଗିଛି। ଗୁରୁବାର ୧୩୦୦ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ଯାହା ୧୪୦ଦିନ ପରେ କୋଭିଡର ଦୈନିକ ମାମଲାରେ ସର୍ବାଧିକ। ଦେଶରେ ଏପର୍ଯ୍ୟନ୍ତ ସଂକ୍ରମିତ ଲୋକଙ୍କ ସଂଖ୍ୟା ୪,୪୬,୯୯,୪୧୮କୁ ବୃଦ୍ଧି ପାଇଥିବା ବେଳେ ଚିକିତ୍ସିତଙ୍କ ସଂଖ୍ୟା ୭,୬୦୫ରେ ପହଞ୍ଚିଛି। ନୂତନ ମାମଲା ବୃଦ୍ଧି ପଛରେ କୋଭିଡ-୧୯ର ଏକ୍ସବିବି.୧.୧୬ ବୋଲି କୁହାଯାଉଛି। ତଥ୍ୟ ଅନୁଯାୟୀ, ଏପର୍ଯ୍ୟନ୍ତ ଏକ୍ସବିବି.୧.୧୬ ଭାରିଆଣ୍ଟର ମୋଟ ୩୪୯ ନମୁନା ଚିହ୍ନଟ ହୋଇଛି। ଏହି ଭାରିଆଣ୍ଟ ୯ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳରେ ଦେଖିବାକୁ ମିଳିଛି। ତେବେ ଭାରତୀୟ ସାର୍ସ କୋଭ-୨ ଜେନୋମିକ୍ସ କନ୍ସୋର୍ଟିୟମ ତଥ୍ୟ ଅନୁଯାୟୀ ମହାରାଷ୍ଟ୍ରରେ ଏହି ଭାରିଆଣ୍ଟର ସର୍ବାଧିକ ମାମଲା ୧୦୫ ରହିଛି। ସେହିପରି ତେଲେଙ୍ଗାନାରେ ୯୩, କର୍ନାଟକରେ ୬୧ ଏବଂ ଗୁଜୁରାଟରେ ୫୪ଟି ମାମଲା ରହିଛି। ଜାନୁଆରୀରେ ଏକ୍ସବିବି ୧.୧୬ ଭାରିଆଣ୍ଟର ଦୁଇଟି ନମୁନା ପ୍ରଥମେ ସାମ୍ନାକୁ ଆସିଥିଲା।
