ଭୁବନେଶ୍ୱର, ୨୧।୧୦(ବ୍ୟୁରୋ): ରାଜ୍ୟରେ ବୁଧବାର ୩୦ ଜିଲାରୁ ପୁଣି ୧୯୩୧ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ ୨୭୪୧୮୧ ଆକ୍ରାନ୍ତଙ୍କ ସଂଖ୍ୟା ୨୭୪୧୮୧ରେ ପହଞ୍ଚିଛି। ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ସୂଚନା ଦିଆଯାଇଛି। ତେବେ ନୂଆ ୧୯୩୧ ଆକ୍ରାନ୍ତଙ୍କ ମଧ୍ୟରୁ ୧୧୨୦ କ୍ୱାରାଣ୍ଟାଇନ ସେଣ୍ଟରରୁ ଚିହ୍ନଟ ହୋଇଥିବା ବେଳେ ୮୧୧ ଲୋକାଲ କେସ୍ ରହିଛି।
ନୂଆ ସଂକ୍ରମିତଙ୍କ ମଧ୍ୟରୁ ଖୋର୍ଦ୍ଧା ଜିଲାରୁ ସର୍ବାଧିକ ୨୭୩ ଆକ୍ରାନ୍ତ ରହିଛନ୍ତି। ସେହିପରି ଅନୁଗୋଳ ୧୨୦, ବାଲେଶ୍ୱର ୭୩, ବରଗଡ଼ ୬୬, ଭଦ୍ରକ ୬୪, ବଲାଙ୍ଗୀର ୬୪, ବୌଦ୍ଧ ୭, କଟକ ୧୫୩, ଦେବଗଡ଼ ୯, ଢେଙ୍କାନାଳ ୩୫, ଗଜପତି ୯, ଗଞ୍ଜାମ ୨୭, ଜଗତ୍ସିଂହପୁର ୭୮, ଯାଜପୁର ୬୭, ଝାରସୁଗୁଡ଼ା ୫୬, କଳାହାଣ୍ଡି ୪୫, କନ୍ଧମାଳ ୪୬, କେନ୍ଦ୍ରାପଡ଼ା ୬୧, କେନ୍ଦୁଝର ୬୫, କୋରାପୁଟ ୨୯, ମାଲକାନଗିରି ୩୮, ମୟୂରଭଞ୍ଜ ୯୯, ନବରଙ୍ଗପୁର ୬୨, ନୟାଗଡ଼ ୨୩, ନୂଆପଡ଼ା ୪୩, ପୁରୀ ୭୨, ରାୟଗଡ଼ା ୨୫, ସମ୍ବଲପୁର ୩୭, ସୋନପୁର ୩୦, ସୁନ୍ଦରଗଡ଼ ୧୦୪ ଏବଂ ଷ୍ଟେଟ ପୋଲ ୫୧।
ସୂଚନାଯୋଗ୍ୟ, ବର୍ତ୍ତମାନ ସୁଦ୍ଧା ରାଜ୍ୟରେ ମୋଟ ୨୭୪୧୮୧ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି। ସେଥିମଧ୍ୟରୁ ୨୦୭୫୦ ଜଣ ବିଭିନ୍ନ କୋଭିଡ୍ ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ୨୫୨୧୯୭ ଜଣ ସୁସ୍ଥ ହୋଇ ଘରକୁ ଫେରିଛନ୍ତି।
