କାଠମାଣ୍ଡୁ,୨୮ ।୩: ନେପାଳ ସରକାର ପଳାତକ ଅମୃତପାଲ ସିଂଙ୍କୁ ତାଙ୍କ ସର୍ଭିଲାନ୍ସ ଲିଷ୍ଟରେ ସାମିଲ କରି ଦେଇଛନ୍ତି । ଏହାପରେ ଅମୃତପାଲ ସିଂଙ୍କୁ ନେଇ ନେପାଳରେ ହାଇ ଆଲର୍ଟ ଜାରି କରାଯାଇଛି । ସୂଚନାଯୋଗ୍ୟ, ଭାରତ ସରକାରଙ୍କ ଅପିଲ ପରେ ନେପାଳ ସରକାର ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି । ଅନୁମାନ କରାଯାଉଛି କି ଅମୃତପାଲ ସିଂ ନେପାଳରେ ଲୁଚି ରହି ଥାଇପାରନ୍ତି । ଯାଞ୍ଚ ଏଜେନ୍ସି ଅନୁମାନ କରୁଛି କି ସେ ନେପାଳରୁ ଅନ୍ୟ ଦେଶକୁ ଲୁଚିଛପି ପଳାଇ ଯାଇପାରନ୍ତି ।
ନେପାଳର ଇମିଗ୍ରେଶନ ବିଭାଗ ଅମୃତପାଲ ସିଂଙ୍କୁ ସର୍ଭିଲାନ୍ସ ଲିଷ୍ଟରେ ପକାଇଛି । ବିଭାଗ ପକ୍ଷରୁ କୁହାଯାଇଛି କି ଭାରତୀୟ ଦୂତାବାସରୁ ଏକ ଲିଖିତ ନୋଟ ଓ ଅମୃତପାଲ ସିଂଙ୍କ ପାସପୋର୍ଟର ଏକ କପି ମିଳିଛି । ଦୂତାବାସ ଅନୁମାନ କରୁଛି କି ଅମୃତପାଲ ନେପାଳରେ ପହଞ୍ଚି ସାରିଛନ୍ତି । ଭାରତୀୟ ଦୂତାବାସ ଅମ୍ରିତପାଲ ସିଂଙ୍କୁ ସର୍ଭିଲାନ୍ସ ଲିଷ୍ଟରେ ସାମିଲ କରିବାକୁ ଅପିଲ କରିଥିଲା । ଭାରତୀୟ ଦୂତାବାସ ଅପିଲ କରିଥିଲା କି ଅମୃତପାଲ ସିଂଙ୍କୁ ଅନ୍ୟ କୌଣସି ଦେଶ ଯିବାକୁ ଅନୁମତି ଦିଆ ନ ଯାଉ ।
