ଅରୁଣ ନଦୀ ଉପରେ ଭାରତ ଦ୍ୱାରା ବିକଶିତ ହେବାକୁ ଥିବା ଦ୍ୱିତୀୟ ଜଳ ବିଦ୍ୟୁତ ପ୍ରକଳ୍ପକୁ ନେପାଳ ସରକାରଙ୍କ ଅନୁମୋଦନ..

କାଠମାଣ୍ଡୂ,୨୯।୫ : ନେପାଳ ସରକାର ଭାରତର ସତଲେଜ ଜଳ ବିଦ୍ୟୁତ ନିଗମ (ଏସଜେଭିଏନ) ଲିମିଟେଡ ଦ୍ୱାରା ଦେଶରେ ଦ୍ୱିତୀୟ ଜଳ ବିଦ୍ୟୁତ ପ୍ରକଳ୍ପ ବିକାଶ କରିବାକୁ ଅନୁମତି ଦେବାକୁ ନିଷ୍ପତ୍ତି ନେଇଛନ୍ତି। ଏସଜେଭିଏନ ବର୍ତ୍ତମାନ ପୂର୍ବ ନେପାଳର ଅରୁଣ ନଦୀରେ ଅବସ୍ଥିତ ୯୦୦-ମେଗାୱାଟ ତୃତୀୟ ଜଳ ବିଦ୍ୟୁତ ପ୍ରକଳ୍ପର ବିକାଶ କରୁଛି। ଯାହା ୨୦୨୪ ରେ ଶେଷ ହେବାର ଯୋଜନା ରହିଛି ।

ପ୍ରଧାନମନ୍ତ୍ରୀ ପୁଷ୍ପ କମଲ ଦହଲ ପ୍ରଚଣ୍ଡଙ୍କ ଅଧ୍ୟକ୍ଷତାରେ ଅନୁଷ୍ଠିତ ଇନଭେଷ୍ଟମେଣ୍ଟ ବୋର୍ଡ ନେପାଳ (ଆଇବିଏନ)ର ଏକ ବୈଠକରେ ପୂର୍ବ ନେପାଳର ୬୬୯ ମେଗାୱାଟ ଲୋୟର ଅରୁଣ ଜଳ ବିଦ୍ୟୁତ ବିକାଶ ପାଇଁ ଭାରତର ଏସଜେଭିଏନ ସହିତ ସ୍ବାକ୍ଷରିତ ହେବାକୁ ଥିବା ପ୍ରକଳ୍ପ ବିକାଶ ଚୁକ୍ତିନାମାକୁ ସଭୁଜ ସଙ୍କେତ ଦେଇଛନ୍ତି। ବୁଧବାର ଠାରୁ ପ୍ରଧାନମନ୍ତ୍ରୀ ପ୍ରଚଣ୍ଡଙ୍କ ଭାରତ ଗସ୍ତର କିଛି ଦିନ ପୂର୍ବରୁ ଏହି ସୂଚନା ଆସିଛି।

ଏହି ଡ୍ରାଫ୍ଟ କାର୍ଯ୍ୟକାରୀ ହେବା ପୂର୍ବରୁ ମନ୍ତ୍ରୀ ପରିଷଦ ଦ୍ୱାରା ଅନୁମୋଦନ ଆବଶ୍ୟକ। ଆଇବିଏନର ଶେଷ ବୈଠକରେ ଏହି ପ୍ରକଳ୍ପର ବିକାଶ ପାଇଁ ୯୨.୬୮ ବିଲିୟନ ଟଙ୍କା ବିନିଯୋଗ ଅନୁମୋଦନ କରାଯାଇଥିଲା।

ଏକ ଆଇବିଏନ ବିବୃତ୍ତି ଅନୁଯାୟୀ, ଏହି ୬୬୯ ମେଗାୱାଟ ପରିବର୍ତ୍ତନଶୀଳ ପ୍ରକଳ୍ପର ବିକାଶ ଦେଶର ସାମାଜିକ-ଅର୍ଥନୈତିକ ବିକାଶ ପାଇଁ ଏକ ମାଇଲଖୁଣ୍ଟ ହେବ। ଏସଜେଭିଏନ ନେପାଳରେ ଏକ ସ୍ଥାନୀୟ କମ୍ପାନୀ ଲୋୟର ଅରୁଣ ଶକ୍ତି ବିକାଶ କମ୍ପାନୀ ଗଠନ କରିଛି।