ନୂଆଦିଲ୍ଲୀ,୨୦।୬: ଦେଶର ରାଜଧାନୀ ଦିଲ୍ଲୀରେ ଅଧିକାରୀଙ୍କ ଟ୍ରାନ୍ସଫର ପୋଷ୍ଟିଂ ପ୍ରସଙ୍ଗରେ କେନ୍ଦ୍ର ସରକାର ଏକ ଅଧ୍ୟାଦେଶ ଆଣି ସୁପ୍ରିମକୋର୍ଟଙ୍କ ନିଷ୍ପତ୍ତିକୁ ବଦଳାଇ ଦେଇଛନ୍ତି। ଏକ ନିୟମାବଳୀ ମାଧ୍ୟମରେ ସେବା ବିଭାଗ ସହ ଜଡିତ ପ୍ରସଙ୍ଗଗୁଡ଼ିକ ଉପରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାକୁ କେନ୍ଦ୍ର ଏନ୍ସିସିଏସଏ (ନ୍ୟାଶନାଲ କ୍ୟାପିଟାଲ ସିଭିଲ ସର୍ଭିସ ଅଥରିଟି) ଗଠନ କରିଥିଲା। ଏହି ନିୟମରେ ମଧ୍ୟ ଉଲ୍ଲେଖ କରାଯାଇଛି ଯେ ମୁଖ୍ୟମନ୍ତ୍ରୀ କେଜ୍ରିଓ୍ବାଲ ଏନସିସିଏର ଅଧ୍ୟକ୍ଷତା କରିବେ। ଦିଲ୍ଲୀର ମୁଖ୍ୟ ଶାସନ ସଚିବ ଏବଂ ମୁଖ୍ୟ ଗୃହ ସଚିବ ଏହି କମିଟିର ସଦସ୍ୟ ରହିଛନ୍ତି। ଏହି ନିୟମ ମାଧ୍ୟମରେ ଗଠିତ ଏନ୍ସିସିଏସଏର ପ୍ରଥମ ବୈଠକ ଆଜି ଅନୁଷ୍ଠିତ ହେବ।
ନ୍ୟାଶନାଲ କ୍ୟାପିଟାଲ ସିଭିଲ ସର୍ଭିସ ଅଥରିଟିର ବୈଠକ ସିଏମଙ୍କ ବାସଭବନରେ ଆଉ କିଛି ସମୟ ପରେ ଆରମ୍ଭ ହେବାକୁ ଯାଉଛି। ଏହା ବ୍ୟତୀତ ଅଧିକାରୀଙ୍କ ଉପରେ କାର୍ଯ୍ୟାନୁଷ୍ଠାନ ସହ ଜଡିତ କିଛି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ମଧ୍ୟ ନିଆଯାଇପାରେ ବୋଲି କୁହାଯାଉଛି। ସେବା ବିଭାଗର ସ୍ବତନ୍ତ୍ର ସଚିବଙ୍କ କାର୍ଯ୍ୟ ଶୌଳୀରେ ଏଏପି ସରକାର ଅସନ୍ତୁଷ୍ଟ ବୋଲି ବିଶ୍ୱାସ କରାଯାଏ।
ଦିଲ୍ଲୀ ସିଏମ ଏନ୍ସିସିଏସଏ ଏହି ପ୍ରଥମ ବୈଠକ ଡାକିଛନ୍ତି। କେନ୍ଦ୍ର ସରକାର ଏକ ଅଧ୍ୟାଦେଶ ଆଣି ଦିଲ୍ଲୀ ରାଜ୍ୟ ସରକାରଙ୍କ ଅଧିକାରକୁ ଅସାମ୍ବିଧାନିକ ଢଙ୍ଗରେ ରଦ୍ଦ କରିଥିବା କେଜ୍ରିଓ୍ବାଲ ଅଭିଯୋଗ କରିଛନ୍ତି। ଏହି ବୈଠକ ଆଜି ଦିଲ୍ଲୀ ସିଏମଙ୍କ ବାସଭବନରେ ଅନୁଷ୍ଠିତ ହେବ, ଯେଉଁଥିରେ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ, ମୁଖ୍ୟ ଶାସନ ସଚିବ ତଥା ମୁଖ୍ୟ ଗୃହ ସଚିବ ଉପସ୍ଥିତ ରହିବେ।
