କେସିଙ୍ଗା,୨୮।୧୨(ତୁମେଶ୍ୱର ସାହୁ): ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେ ବିଜେଡିର ୨୯ ତମ ପ୍ରତିଷ୍ଠା ଦିବସ ଉପଲକ୍ଷେ ସାରା ରାଜ୍ୟରେ ନୂତନ ବିଜେଡି ପଦାଧିକାରୀମାନଙ୍କ ନାମ ଘୋଷଣା ହୋଇଛିି। ଏହି ଉପଲକ୍ଷେ ବିଜେଡି ସୁପ୍ରିମୋ କଳାହାଣ୍ଡି ଜିଲା କେସିଙ୍ଗା ସହରର ଯୁବନେତା ଶିଶିର ପରିଡ଼ା( ସିଲୁ)ଙ୍କୁ ଜିଲାର ସମ୍ପାଦକ ଭାବରେ ନୂତନ ଗୁରୁଦାୟିତ୍ୱ ପ୍ରଦାନ କରିଛନ୍ତି । ପରିଡ଼ା ଗତ ୧୫ ବର୍ଷରୁ ଊଦ୍ଧର୍ବ ସମୟ ଧରି ବିଜେଡିର ଜଣେ ଦକ୍ଷ ସଦସ୍ୟ ଭାବେ କାମକରି ଆସୁଛନ୍ତି। କେସିଙ୍ଗା ଏନଏସି ହେଉ କିମ୍ବା ସାଧାରଣ ନିର୍ବାଚନରେ ବିଜେଡିର ଅଗ୍ରଗତି ପାଇଁ ବହୁ କାମ କରିଛନ୍ତି। ଗତ ଏନଏସି ଅଧ୍ୟକ୍ଷ ନିର୍ବାଚନରେ ବିଜେଡି ପାଇଁ କାମ କରି ବିଜେଡିର ଜଣେ ଦକ୍ଷ ଯୁବନେତା ନୃପରାଜ ଯାଦବଙ୍କୁ ବିଜୟ କରିବାରେ ପରିଡାଙ୍କ ଭୂମିକା ରହିଥିଲା। ଉକ୍ତ ଅଞ୍ଚଳର ବିଜେଡର ପ୍ରତ୍ୟେକ ଦଳୀୟ କାର୍ଯ୍ୟକ୍ରମରେ ନିଜକୁ ସାମିଲ କରି ଯୁବବର୍ଗଙ୍କ ସମେତ ବିଜେଡି କର୍ମକର୍ତ୍ତାଙ୍କ ହୃଦୟର ସ୍ପନ୍ଦନ ହୋଇ ପାରିଛନ୍ତି ସିଲୁ । ଶନିବାର ବିଜେଡି ସୁପ୍ରିମୋ ତାଙ୍କ ନାମ ଘୋଷଣା କରିବା ପରେ ଅଞ୍ଚଳରେ ଖୁସିର ଲହରି ଖେଳିଯାଇଛି। ବିଜେଡିର କେସିଙ୍ଗା ଟାଉନ ସଭାପତି ତଥା ଅଧ୍ୟକ୍ଷ ନୃପରାଜ ଯାଦବ, ପୂର୍ବତନ ଟାଉନ ସଭାପତି ରମେଶ ପଟ୍ଟନାୟକ, ବିଜେଡି ନେତା ନଳୀନ ପଟ୍ଟନାୟକଙ୍କ ସମେତ ସମସ୍ତ ବିଜେଡି ୱାର୍ଡ କାଉନସିଲର, ସମସ୍ତ ଦଳର ଟାଉନ ସଭାପତି ଶୁଭେଚ୍ଛା ଜଣାଇଛନ୍ତି।
ଏ ସଂକ୍ରାନ୍ତରେ ସିଲୁ ପରିଡ଼ାଙ୍କୁ ପଚାରିବାରୁ କେସିଙ୍ଗା ସହର ତଥା ଜିଲାର ସମସ୍ତ ବିଜେଡି କର୍ମୀଙ୍କୁ ଏକତ୍ରିତ କରିବା ସହ ଦଳକୁ ମଜଭୁତ କରିବା ଯୁବବର୍ଗଙ୍କୁ ଏକତ୍ରିତ କରିବା ପାଇଁ ଉଦ୍ୟମ ଜାରି ରହିଛି ବୋଲି ପ୍ରକାଶ କରଛନ୍ତି।
