ଓ୍ବାଶିଂଟନ୍,୧।୭: ଆମେରିକାର ସ୍ପେସ ଏଜେନ୍ସି ନାସା ଦୁଇ ମାସ ପରେ ଏହାର ଇନଜେନ୍ୟୁଟି ମାର୍ସ ହେଲିକପ୍ଟର ସହିତ ପୁନର୍ବାର ଯୋଗାଯୋଗ କରିଛି। ନାସା ଶୁକ୍ରବାର ଏହି ସୂଚନା ଦେଇଛି। ନାସା ଫେବୃୟାରୀ ୨୦୨୧ରେ ମଙ୍ଗଳ ଗ୍ରହକୁ ଏକ ମିଶନ ପଠାଇଥିଲା। ଏହି ମିଶନ ଅଧୀନରେ ଏକ ମିନି ହେଲିକପ୍ଟର ଇନଜେନ୍ୟୁଟି ଏବଂ ସରଭାଇଭାଲ ରୋଭର ମଙ୍ଗଳ ଗ୍ରହକୁ ପଠାଯାଇଥିଲା।
ଏପ୍ରିଲ ୨୬ ରେ ଏହି ମିଶନର କଣ୍ଟ୍ରୋଲର କାଲିଫର୍ନିଆ ସ୍ଥିତ ନାସାର ଜେଟ ପ୍ରପଲଶନ ଲାବୋରେଟୋରୀ(ଜେପିଏଲ) ପ୍ରାୟ ୧.୮ କିଲୋଗ୍ରାମର ଇଞ୍ଜେନ୍ୟୁଟି ହେଲିକପ୍ଟର ସହିତ ସମ୍ପର୍କ ହରାଇଲା। ଏହି ମିଶନ ପଠାଇଥିବା ଦଳର ମୁଖ୍ୟ ଜୋଶ ଏଣ୍ଡରଶନ କହିଛନ୍ତି ଯେ, ଏହି ମିଶନ ମଙ୍ଗଳ ଗ୍ରହର ଜେଜେରୋ କ୍ରେଟର ଅଞ୍ଚଳକୁ ପଠାଯାଇଛି। ମଙ୍ଗଳ ଗ୍ରହର ଏହି କ୍ଷେତ୍ର ଅତ୍ୟନ୍ତ ପଥର, ଯେଉଁ କାରଣରୁ ଏଠାରେ କୌଣସି ମିଶନ କରିବା ଅତ୍ୟନ୍ତ କଷ୍ଟକର । ଏଠାରେ ଯୋଗାଯୋଗ ବିଚ୍ଛିନ୍ନ ହେବାର ବିପଦ ରହିଛି।
