ପ୍ରୟାଗରାଜ,୧୭।୨: ପ୍ରୟାଗରାଜ ମହାକୁମ୍ଭ ଚାଲିଛି। ଏହା ୨୬ ଫେବୃଆରୀରେ ଶେଷ ହେବ। କୁମ୍ଭ ଶେଷ ପର୍ଯ୍ୟାୟ ଆଡକୁ ଗତି କରୁଥିବାରୁ, କୁମ୍ଭରେ ଲୋକଙ୍କ ଭିଡ଼ ବୃଦ୍ଧି ପାଇବାରେ ଲାଗିଛି। ବସ ଷ୍ଟାଣ୍ଡଠାରୁ ରେଳ ଷ୍ଟେଶନ ପର୍ଯ୍ୟନ୍ତ ସବୁଠି ଭିଡ଼। ଏତେ ଭିଡ଼ ଯେ, ଲୋକମାନେ ଟିକେଟ କାଉଣ୍ଟରରେ ଧାଡ଼ିରେ ନ ଠିଆ ହୋଇ, ବିନା ଟିକେଟରେ ଟ୍ରେନରେ ଯାତ୍ରା କରୁଛନ୍ତି।
ଜଣେ ମହିଳାଙ୍କ ବିନା ଟିକେଟରେ ରେଳ ଷ୍ଟେଶନରେ ପହଞ୍ଚିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ବକ୍ସର ରେଳ ଷ୍ଟେଶନର କୁହାଯାଉଥିବା ଏହି ଭିଡିଓଟି ଇଣ୍ଟରନେଟରେ ଆଲୋଚନାର ବିଷୟ ପାଲଟିଛି। ଏଥିରେ ମହିଳା ଜଣକ ବିନା ଟିକେଟରେ ଯାତ୍ରା କରିବାର ଏପରି ବାହାନା କରନ୍ତି ଯେ, ନିଜେ ଡିଆରଏମ ମଧ୍ୟ ହସିବାକୁ ଲାଗିଥାନ୍ତି।
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଦେଖିବାକୁ ମିଳୁଛି ଯେ, ଡିଆରଏମ ବକ୍ସର ରେଳ ଷ୍ଟେଷନ ଯାଞ୍ଚ କରିବାକୁ ବାହାରକୁ ଯାଇଛନ୍ତି। ଏହି ସମୟରେ ସେ ଦେଖନ୍ତି ଯେ, କିଛି ମହିଳା ପ୍ଲାଟଫର୍ମରେ ଟ୍ରେନ ପାଇଁ ଅପେକ୍ଷା କରି ଠିଆ ହୋଇଛନ୍ତି। ଡିଆରଏମ ସେଠାରେ ପହଞ୍ଚି ଟିକେଟ ବିଷୟରେ ପଚାରିବାରୁ, ମହିଳା ଜଣକ କୁହନ୍ତି ଯେ ନରେନ୍ଦ୍ର ମୋଦି କହିଛନ୍ତି, ବିନା ଟିକେଟରେ ଯାତ୍ରା କରିହେବ। ଏହା ପରେ ପାଖରେ ଠିଆ ହୋଇଥିବା ଲୋକମାନେ ହସିବାକୁ ଲାଗିଲେ ଏବଂ ଡିଆରଏମ ନିଜେ ହସିଥିଲେ।
ଉଲ୍ଲେଖନୀୟ ଯେ, ଗତ ଶନିବାର, ୧୫ ଫେବୃଆରୀ ରାତିରେ ନୂଆଦିଲ୍ଲୀ ରେଳ ଷ୍ଟେଶନରେ ଦଳାଚକଟା ଘଟି ୧୮ ଜଣଙ୍କର ମୃତ୍ୟୁ ହୋଇଥିଲା। କୁମ୍ଭ ଯୋଗୁ ରେଳ ଷ୍ଟେଶନଗୁଡ଼ିକରେ ଏତେ ଭିଡ଼ ହେଉଛି ଯେ ଯାତ୍ରୀମାନଙ୍କ ପାଖରେ ଟିକେଟ କିଣିବା ପାଇଁ ମଧ୍ୟ ସମୟ ନାହିଁ ଏବଂ ସେମାନେ ବିନା ଟିକେଟରେ ଯାତ୍ରା କରୁଛନ୍ତି। ଏହା ବ୍ୟତୀତ ଜେନେରାଲ ଏବଂ ସ୍ଲିପର କୋଚ ବ୍ୟତୀତ ଏସି କୋଚ୍ରେ ବିନା ଟିକେଟରେ ଯାତ୍ରୀ ଯାଉଥିବା ଦେଖିବାକୁ ମିଳୁଛି।
DRM ने बक्सर स्टेशन पर महाकुंभ जा रही महिला यात्री से पूछा किसने कहा बिना टिकट जाना है आपको?
महिला ने कहा -नरेंद्र मोदी !! pic.twitter.com/5qxRygUytX
— Mohd Nadeem Siddiqui🇮🇳 (@nadeemwrites) February 17, 2025
