ଭୁବନେଶ୍ୱର,୯।୧୦: ରାଜ୍ୟର ପ୍ରମୁଖ ଓଡ଼ିଆ ମନୋରଞ୍ଜନ ଚ୍ୟାନେଲ ଜୀ ସାର୍ଥକ ପକ୍ଷରୁ ଏକ ଅଭିନବ ପ୍ରୟାସ କରାଯାଇଛି। ଚଳିତ ପାର୍ବଣ ଅବସରରେ ଦର୍ଶକମାନଙ୍କୁ ମା’ଙ୍କର ମହିମା ସମ୍ପର୍କରେ ଅବଗତ କରାଇବା ପାଇଁ ରବିବାର ସନ୍ଧ୍ୟା ୬ଟା ୩୦ରେ ଜୀ ସାର୍ଥକର ସ୍ବତନ୍ତ୍ର କାର୍ଯ୍ୟକ୍ରମ ‘ନବଦୁର୍ଗା’ର ପ୍ରସାରଣ ହେବ ବୋଲି ଜଣାପଡ଼ିଛି। ବିଶେଷକରି ମା’ ଦଶଭୁଜା ଦୁର୍ଗା ସୃଷ୍ଟିକୁ ରକ୍ଷା କରିବାକୁ ଧରାପୃଷ୍ଠରେ ଅବତରଣ କରିଛନ୍ତି। ଏପରିକି ବିଭିନ୍ନ ରୂପରେ ଅବତାର ନେଇ ମା’ ଉକ୍ତଙ୍କୁ ଦର୍ଶନ ଦେବା ସହ ମନସ୍କାମନା ମଧ୍ୟ ପୂରଣ କରିଥାନ୍ତି। ଅପରପକ୍ଷରେ ଜୀ ସାର୍ଥକରେ ପ୍ରସାରିତ ହେଉଥିବା ବିଭିନ୍ନ ଧାରାବାହିକୀର ନାରୀ ଚରିତ୍ରମାନେ ‘ନବଦୁର୍ଗା’ ଭୂମିକାରେ ଅବତୀର୍ଣ୍ଣ ହୋଇଛନ୍ତି।
ଅକ୍ଟୋବର ୯ ତାରିଖ ସନ୍ଧ୍ୟା ୬ ଟା୩୦ ମିନିଟ୍ରେ ଜୀ ସାର୍ଥକରେ ‘ନବଦୁର୍ଗା’ ପ୍ରସାରିତ ହେବ ବୋଲି ଚ୍ୟାନେଲ ପକ୍ଷରୁ ସୂଚନା ଦିଆଯାଇଛି। ପବିତ୍ର ପାର୍ବଣ ମାସରେ ଜୀ ସାର୍ଥକର ଏଭଳି ଏକ ନିଆରା ପ୍ରୟାସକୁ ସବୁ ମହଲରେ ପସନ୍ଦ କରୁଥିବା ବେଳେ ଏହାର ଟ୍ରେଲର ମଧ୍ୟ ବେଶ୍ ଉଚ୍ଚ ପ୍ରଶଂସିତ ହୋଇଛି।
