ୟୁଏଇ,୨୬।୯: ବିଶ୍ୱର ସବୁଠାରୁ ଧନୀ କ୍ରିକେଟ ଲିଗ ଆଇପିଏଲ୨୦୨୧ର ଦ୍ୱିତୀୟ ପର୍ଯ୍ୟାୟ ୟୁଏଇରେ ଖେଳାଯାଉଛି। ଏହିପର୍ଯ୍ୟାୟରେ ପ୍ରଶଂସକମାନଙ୍କୁ ଷ୍ଟାଡିୟମରେ ପ୍ରବେଶ କରିବାକୁ ଅନୁମତି ଦିଆଯାଇଛି। ଏହି କାରଣରୁ ଦର୍ଶକମାନେ ଷ୍ଟାଡିୟମରେ ସେମାନଙ୍କର ପ୍ରିୟ ଦଳ ଏବଂ ପ୍ରିୟ ଖେଳାଳିଙ୍କୁ ଉତ୍ସାହିତ କରୁଛନ୍ତି। ବେଳେବେଳେ ପ୍ରଶଂସକଙ୍କର କାର୍ଯ୍ୟ ଏବଂ ପ୍ଲାକାର୍ଡ ମଧ୍ୟ ଧ୍ୟାନ ଆକର୍ଷଣ କରିଥାଏ। ଚେନ୍ନାଇ ସୁପର କିଙ୍ଗ୍ସ ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟରେ ହୋଇଥିବା ମ୍ୟାଚରେ ଏହିପରି ଗୋଟିଏ ପ୍ଲାକାର୍ଡ ଦେଖିବାକୁ ମିଳିଥିଲା। ଜଣେ ବ୍ୟକ୍ତି ଏକ ପ୍ଲାକାର୍ଡ ଧରିଥିଲେ। ଯେଉଁଥିରେ ଲେଖାଥିଲା – ମୋ ସ୍ତ୍ରୀ ମୋତେ ଚେନ୍ନାଇ ସୁପର କିଙ୍ଗ୍ସ ଜର୍ସି ପିନ୍ଧିବାକୁ ଦିଅନ୍ତି ନାହିଁ ।
ଚେନ୍ନାଇ ସୁପର କିଙ୍ଗ୍ସର ଅଫିସିଆଲ ଟୁଇଟର ଆକାଉଣ୍ଟରେ ଏହି ପ୍ରଶଂସକଙ୍କ ଫଟୋ ପୋଷ୍ଟ କରାଯାଇଛି। ଚେନ୍ନାଇ ସୁପର କିଙ୍ଗ୍ସ ଏହି ଫଟୋ ସହିତ କ୍ୟାପସନ ଲେଖିଛନ୍ତି, ‘ପ୍ରେମ ଅନ୍ଧ’ ଏହି ଫଟୋ ୧୯୦୦ରୁ ଅଧିକ ଥର ରିଟୁଇଟ କରାଯାଇଛି। ସମ୍ପୃକ୍ତ ଦର୍ଶକ ଜଣଙ୍କ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ଦଳର ଜର୍ସି ପିନ୍ଧିଥିଲେ। ଏହି ଫଟୋ ରେ ୧୭ ହଜାରରୁ ଅଧିକ ଲାଇକ କରାଯାଇଛି। ଏହି ଫଟୋ ଦେଖିବା ପରେ ଲାଗୁଛି ଯେ, ତାଙ୍କ ହାତରେ ପ୍ଲାକାର୍ଡ ଧରିଥିବା ବ୍ୟକ୍ତି ଚେନ୍ନାଇ ସୁପର କିଙ୍ଗ୍ସକୁ ପସନ୍ଦ କରନ୍ତି କିନ୍ତୁ ତାଙ୍କ ସ୍ତ୍ରୀ ବିରାଟ କୋହଲିଙ୍କ ଟିମ ଆରସିବିର ପ୍ରଶଂସକ ଅଟନ୍ତି। ଶାରଜାରେ ଖେଳାଯାଉଥିବା ଏହି ମ୍ୟାଚ୍ରେ ସିଏସକେ ଆରସିବିକୁ ୪ ଉଇକେଟରେ ପରାସ୍ତ କରିଛି।
