ଭୁବନେଶ୍ୱର,୧୮।୧୨(ବ୍ୟୁରୋ): ରାଜଧାନୀରେ ସାଇକେଲ ଚାଳକଙ୍କ ପାଇଁ ଖୁସି ଖବର ଆସିଛି। ପୁଣି ପୂର୍ବଭଳି ସ୍ମାର୍ଟସିଟିରେ ସମସ୍ତ ମୋ ସାଇକେଲ ଚାଲିବ । ଏ ନେଇ ସ୍ମାର୍ଟସିଟି ପକ୍ଷରୁ ପଦକ୍ଷେପ ନିଆଯାଇଛି। ମୋଟ ୨ହଜାର ସାଇକେଲର ପରିଚାଳନା ଦାୟିତ୍ୱ ୩ଟି କମ୍ପାନୀକୁ ଦିଆଯାଇଥିଲା। ୟୁଲୁ, ୟାନା ଓ ହେକ୍ସି କମ୍ପାନୀକୁ ଏହି ଦାୟିତ୍ୱ ଦିଆଯାଇଥିଲା । କିନ୍ତୁ ସର୍ବାଧିକ ଏକ ହଜାର ମୋ ସାଇକେଲର ଦାୟିତ୍ୱ ନେଇଥିବା ହେକ୍ସି କମ୍ପାନୀ ଅବହେଳା ପ୍ରଦର୍ଶନ କରିଥିଲା। ତେବେ ହେକ୍ସି କମ୍ପାନି ବିରୋଧରେ ଥାନାରେ ଏତଲା ଦିଆଯାଇଥିଲା। ଏଣୁ ହେକ୍ସି କମ୍ପାନୀକୁ ସ୍ମାର୍ଟସିଟି କର୍ତ୍ତୃପକ୍ଷ କଳା ତାଲିକା ଭୁକ୍ତ କରିଛନ୍ତି। ଉକ୍ତ ସାଇକେଲର ପରିଚାଳନା ଦାୟିତ୍ୱ ବର୍ତ୍ତମାନ ୟାନା କମ୍ପାନୀକୁ ଦିଆଯାଇଛି। ଏଣିକି ୧୫୦୦ ମୋ ସାଇକେଲର ପରିଚାଳନା ଓ ରକ୍ଷଣାବେକ୍ଷଣ ୟାନା ଓ ଅବଶିଷ୍ଟ ୫୦୦ ମୋ ସାଇକେଲର ଦାୟିତ୍ୱ ତୁଲାଇବ ୟୁଲୁ କମ୍ପାନୀ। ସ୍ମାର୍ଟସିଟି ସିଇଓ ସଞ୍ଜୟ ସିଂ ଏଭଳି ସୂଚନା ଦେଇଛନ୍ତି ।