ସମ୍ବଲପୁର,୨୨ା୨(ବ୍ୟୁରୋ): ମାନିବିକତ ଆଗରେ କୌଣସି ଧର୍ମ ବଡ଼ ନୁହେଁ। ଏହାର ଜ୍ଜଳନ୍ତ ଉଦାହରଣ ଦେଖିବାକୁ ମିଳିଛି ସମ୍ବଲପୁର ଜିଲା ବୁର୍ଲାସ୍ଥିତ ଭିମ୍ସାର କୋଭିଡ୍ ହସ୍ପିଟାଲରେ। ମୃତ୍ୟୁ ଘଟିଥିବା ଜଣେ ଖ୍ରୀଷ୍ଟିୟାନ ମହିଳାଙ୍କ ଶେଷକୃତ୍ୟରେ ସାମିଲ ହୋଇଛନ୍ତି ମୁସଲମାନ ଯୁବକ। ସୂଚନା ଅନୁଯାୟୀ, ଝାରସୁଗୁଡ଼ା ଜିଲା ବେଲପାହାଡ଼ ଅଞ୍ଚଳର ଜଣେ ଖ୍ରୀଷ୍ଟିୟାନ ମହିଳା ଫେବୃୟାରୀ ୨୦ରେ ଭିମ୍ସାର କୋଭିଡ୍ ମେଡିକାଲରେ ଭର୍ତ୍ତି ହୋଇଥିଲେ। ଚିକିତ୍ସାଧୀନ ଅବସ୍ଥାରେ ୨୨ ତାରିଖରେ ତାଙ୍କର ମୃତ୍ୟୁ ଘଟିଥିଲା। ଶେଷକୃତ୍ୟ ପାଇଁ ତାଙ୍କ ୨ ଝିଅଙ୍କୁ କୁହାଯାଇଥିଲା। ଝିଅମାନେ ଗ୍ରାମରେ ଥିବା ସମ୍ପ୍ରଦାୟ ଲୋକଙ୍କୁ ଜଣାଇଥିଲେ। ସେମାନେ ସହଯୋଗ କରିବା ବଦଳରେ ସେଠାରେ ମୃତଦେହ ସତ୍କାର କରିବାକୁ ପରାମର୍ଶ ଦେଇଥିଲେ। ପ୍ରାୟ ୨୫ ଘଣ୍ଟା ଧରି ମୃତଦେହ ପଡିରହିଥିବା ବେଳେ ଦୁଇ ଝିଅ ଅସହାୟ ହୋଇ ପଡିଥିଲେ। କୋଭିଡ୍ ମେଡିକାଲର ଜଣେ କର୍ମଚାରୀ ଏନେଇ ବୁର୍ଲା ସହରରେ ରହୁଥିବା ମହମ୍ମଦ ସୋହିବଙ୍କୁ ଘଟଣା ସମ୍ପର୍କରେ ଜଣାଇଥିଲେ। ଖବର ପାଇ ସୋହିବ ମେଡିକାଲରେ ପହଞ୍ଚତ୍ କର୍ମଚାରୀଙ୍କ ସହ ଆଲୋଚନା କରିଥିଲେ। ପରେ ସେ ମହତାବ ନଗରରେ ଥିବା ଖ୍ରୀଷ୍ଟିଆନଙ୍କ କବରସ୍ଥାନରେ ଶେଷକୃତ୍ୟ କରିବାକୁ ସ୍ଥାନୀୟ ଫାଦରଙ୍କ ସହ ଯୋଗାଯୋଗ କରିଥିଲେ। ମୃତଦେହକୁ କବରସ୍ଥାନକୁ ନେଇଥିଲେ। ଫାଦର, ମେଡିକାଲ କର୍ମଚାରୀ ଏବଂ ୨ ଝିଅଙ୍କ ଉପସ୍ଥିତିରେ ଖ୍ରୀଷ୍ଟିଆନ ଧର୍ମ ଅନୁସାରେ ମହିଳାଙ୍କ ଶେଷକୃତ୍ୟ ସମ୍ପନ୍ନ ହୋଇଥିଲା। ସୋହିବଙ୍କ ମଣିଷପଣିଆକୁ ବିଭିନ୍ନ ମହଳରେ ପ୍ରସଂଶା କରାଯାଇଛି।
