ସ୍ପେସ୍ଏକ୍ସ ଏବଂ ଟେସ୍ଲା ସିଇଓ ଏଲନ ମସ୍କ ଗତ ୧୧ ତାରିଖରେ ମହାକାଶ ଯାଇ ଫେରିଥିବା ବ୍ରିଟିଶ ବିଲିୟନେୟାର ରିଚାର୍ଡ ବ୍ରାନସନ୍ଙ୍କଠାରୁ ସ୍ପେସ୍ ଟିକେଟ କିଣିଛନ୍ତି। ବ୍ରାନ୍ସନ୍ଙ୍କ କମ୍ପାନୀ ଭର୍ଜିନ ଗାଲାକ୍ଟିକ୍ର ସ୍ପେସ୍କ୍ରାଫ୍ଟ ଟିକେଟ ପାଇଁ ମସ୍କ ୨ ଲକ୍ଷ ୫୦ ହଜାର ଡଲାର ଦେଇଛନ୍ତି। ତେବେ ଓ୍ବେଟିଂ ଲିଷ୍ଟରେ ମସ୍କ କେତେ ନମ୍ବରରେ ଅଛନ୍ତି ତାହା ଜଣାପଡ଼ିନାହିଁ। ଭର୍ଜିନ ଗାଲାକ୍ଟିକ୍ ଏ ବାବଦରେ ୮୦ ମିଲିୟନ ଡଲାର ସଂଗ୍ରହ କରିଛି। ଏକ ସାକ୍ଷାତକାରରେ ବ୍ରାନ୍ସନ୍ କହିଛନ୍ତି, ମସ୍କ ତାଙ୍କ ବନ୍ଧୁ। ଦିନେ ସେ ମସ୍କଙ୍କ ସ୍ପେସ୍ଶିପ୍ରେ ଯାତ୍ରା କରିବେ।