ଲକ୍ଷ୍ନୌ,୫।୭: ଉତ୍ତରପ୍ରଦେଶର ବାଲିଆରେ ଜଣେ ଅଣ୍ଡା ବ୍ୟବସାୟୀଙ୍କୁ ମାତ୍ର ପାଞ୍ଚ ଟଙ୍କା ପାଇଁ ପିଟିପିଟି ହତ୍ୟା କରାଯାଇଛି। ଏହି ଘଟଣାରେ ସମ୍ପୃକ୍ତ ୬ ଜଣ ଅଭିଯୁକ୍ତଙ୍କ ବିରୋଧରେ ପୋଲିସ ମାମଲା ରୁଜୁ କରି ସେମାନଙ୍କୁ ଗିରଫ କରିଛି। ପରିବାର ସଦସ୍ୟ ଅଭିଯୋଗ ଅନୁଯାୟୀ, ଏହି ଅଞ୍ଚଳର କିଛି ମଦ୍ୟପାନକାରୀ ମଦ କିଣିବା ପାଇଁ ୫ ଟଙ୍କା କମ୍ ପଡିବାରୁ ସେ ଅଣ୍ଡା ଦୋକାନୀଙ୍କୁ ଟଙ୍କା ମାଗିଥିଲେ। ସେ ଟଙ୍କା ଦେବାକୁ ମନା କରିଦେଇଥିଲେ। ଏଥିରେ ତାଙ୍କୁ ଠେଙ୍ଗାରେ ପିଟିପିଟି ହତ୍ୟା କରିଥିଲେ। ପୂର୍ବରୁ ମଦ୍ୟପାନକାରୀଙ୍କ ବିରୋଧରେ ମୃତକଙ୍କ ପରିବାର ପୋଲିସରେ ଅଭିଯୋଗ ଆଣିଥିଲେ। କିନ୍ତୁ ଅପରପକ୍ଷେ ପୋଲିସ ମଦ୍ୟପଙ୍କୁ ପୋଲିସ ଷ୍ଟେସନରେ ରଖି ସେମାନଙ୍କୁ ମାଡ଼ ମାରିଥିଲା। ପରେ ଆପୋଷ ବୁଝାମଣାରେ ଛାଡି ଦେଇଥିଲା। କିନ୍ତୁ ପରଦିନ ମଦ୍ୟପମାନେ ଅଣ୍ଡା ବ୍ୟବସାୟୀଙ୍କୁ ଠେଙ୍ଗାରେ ଆକ୍ରମଣ କରି ହତ୍ୟା କରିଥିଲେ। ଏଥିସହ ଏସପି କହିଛନ୍ତି ଯେ, ଦୋଷୀ ପୋଲିସକୁ କୌଣସି ପରିସ୍ଥିତିରେ ମୁକ୍ତ କରାଯିବ ନାହିଁ।
