ମୁମ୍ବାଇ,୧୨।୧୨: ଦେଶର ଆର୍ଥିକ ରାଜଧାନୀ ମୁମ୍ବାଇର ତାଜ ହୋଟେଲରେ ଡିସେମ୍ବର ୧୩ରେ ଜି-୨୦ ସମ୍ମିଳନୀ ଆୟୋଜିତ ହେବ। ଏଥିପାଇଁ ସୁରକ୍ଷା ବ୍ୟବସ୍ଥାକୁ ଦୃଷ୍ଟିରେ ରଖି ଟ୍ରାଫିକ ପୋଲିସ ପକ୍ଷରୁ ଏକ ଆଡଭାଇଜରୀ ଜାରି କରାଯାଇଛି। ଏହି ଆଡଭାଇଜରୀ ଅନୁଯାୟୀ, ଦକ୍ଷିଣ ମୁମ୍ବାଇର ଅନେକ ରାସ୍ତା ଡିସେମ୍ବର ୧୨ରୁ ଡିସେମ୍ବର ୧୬ ପର୍ଯ୍ୟନ୍ତ ବନ୍ଦ ରହିବ। ଏହି ଦିନ ଅନ୍ୟ ରାସ୍ତା ଦେଇ ଯିବାକୁ ମୁମ୍ବାଇ ଟ୍ରାଫିକ ପୋଲିସ ପରାମର୍ଶ ଦେଇଛି। ଫଳରେ ଲୋକମାନେ କୌଣସି ସମସ୍ୟାର ସମ୍ମୁଖୀନ ହେବେ ନାହିଁ। ଟ୍ରାଫିକ ପୋଲିସର ସୂଚନାନୁସାରେ, ବନ୍ଦ ଥିବା ରାସ୍ତାରେ କୌଣସି ଗାଡି ଚଳାଚଳ ନିଷେଧ ରହିବ। ତେବେ ଆମ୍ବୁଲାନ୍ସ ଭଳି ଜରୁରୀକାଳୀନ ସେବା ଯାନ ଚଳପ୍ରଚଳ କରିପାରିବ। ଏହି ତାରିଖଗୁଡିକ ମଧ୍ୟରେ ଅନେକ ରାସ୍ତା ବନ୍ଦ ଯୋଗୁ ଲୋକଙ୍କୁ ଟ୍ରାଫିକ ଜାମ୍ ସମସ୍ୟାର ସମ୍ମୁଖୀନ ହେବାକୁ ପଡିପାରେ। ଏଭଳି ପରିସ୍ଥିତିରେ ଲୋକମାନେ ଜାମ୍କୁ ଏଡାଇବା ପାଇଁ ଉଲ୍ଲେଖ କରାଯାଇଥିବା ବିକଳ୍ପ ମାର୍ଗ ନେବା ଉଚିତ୍ ବୋଲି ମୁମ୍ବାଇ ଟ୍ରାଫିକ ପୋଲିସ କହିଛି। ଏହି ସମସ୍ତ ମାର୍ଗ ଡିସେମ୍ବର ୧୩ ମଧ୍ୟାହ୍ନ ୧୨ଟାରୁ ୧୧ଟା ୩୦ ପର୍ଯ୍ୟନ୍ତ ବନ୍ଦ ରହିବ। ରିଗଲ ଜଙ୍କସନରୁ ଛତ୍ରପତି ଶିବାଜୀ ମାର୍ଗ ଜଙ୍କସନ ପର୍ଯ୍ୟନ୍ତ ବନ୍ଦ ରହିବ। ଅନ୍ୟପଟେ ବିକଳ୍ପ ମାର୍ଗ ଭାବେ ରିଗାଲ ସର୍କଲରୁ ଦକ୍ଷିଣରେ ଥିବା ମହାକାବୀ ଭୂଷଣ ମାର୍ଗ, ତାଜ ପ୍ୟାଲେସ, ବୋମନ, ବେହେରା ରୋଡ, ଅଲଭା ଛକ, ଇଲେକ୍ଟ୍ରିକ୍ ହାଉସ, ଆଜମି ରୋଡ, ଭିଣ୍ଡ ଭଜନ ମନ୍ଦିର ଆଦି ମାର୍ଗ ଖୋଲା ରହିବ।
