ନୂଆଦିଲ୍ଲୀ,୯ ।୧୦: ସମାଜବାଦୀ ପାର୍ଟି ସଂରକ୍ଷକ ତଥା ପୂର୍ବତନ ପ୍ରତିରକ୍ଷା ମନ୍ତ୍ରୀ ମୁଲାୟମ ସିଂ ଯାଦବଙ୍କ ସ୍ୱାସ୍ଥ୍ୟବସ୍ଥା ଭଲ ନାହିଁ । କିଛିଦିନ ହେବ ସେ ଗୁରୁଗ୍ରାମର ମେଦାନ୍ତ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଆଇସିୟୁରେ ତାଙ୍କର ଚିକିତ୍ସା ଚାଲୁଥିବା ବେଳେ ବିଶେଷଜ୍ଞ ଡାକ୍ତରୀ ଟିମ ତାଙ୍କ ସ୍ୱାସ୍ଥ୍ୟ ଉପରେ ନଜର ରଖିଛନ୍ତି । ରବିବାର ହସ୍ପିଟାଲ ପକ୍ଷରୁ ଜାରି କରାଯାଇଥିବା ବୟାନ ଅନୁଯାୟୀ, ଏବେବି ମୁଲାୟମଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ରହିଛି । ଏବେ ବି ସେ ଲାଇଫ୍ ସପୋର୍ଟ ମେଡିସିନରେ ଚିକିତ୍ସିତ ହୋଇଛନ୍ତି । ଏପଟେ ମୁଲାୟମଙ୍କ ପ୍ରଶଂସକମାନେ ଲଗାତାର ତାଙ୍କ ପାଇଁ ପ୍ରାର୍ଥନା କରି ଚାଲିଛନ୍ତି ।
ଅନ୍ୟପଟେ ମୁଲାୟମଙ୍କ ପରିବାର ପକ୍ଷରୁ କୁହାଯାଇଥିଲା କି ନେତାଜୀ ଠିକ ଅଛନ୍ତି ତାଙ୍କୁ ଦେଖାକରିବାକୁ ହସ୍ପିଟାଲକୁ ଆସନ୍ତୁ ନାହିଁ । କର୍ମୀ ଓ ନେତାଙ୍କ ଭିଡକୁ ଦେଖି ହସ୍ପିଟାଲ ପକ୍ଷରୁ ବି ସୁରକ୍ଷା ବ୍ୟବ୍ୟସ୍ଥା କଡାକଡି କରାଯାଇଛି । ମୁଲାୟମଙ୍କ ପୁଅ ଅଖିଳେଶ ଯାଦବ ହସ୍ପିଟାଲରେ ରହିଛନ୍ତି ।
