ଶାରଜା,୨୫।୧୦: ସ୍କଟଲାଣ୍ଡକୁ ୬୦ ରନ୍ରେ ଅଲଆଉଟ୍ କରି ଦେଇଛି ଆଫଗାନିସ୍ତାନର ଦୁଇ ସ୍ପିନରଙ୍କ ଯୋଡ଼ି। ମୁଜୀବ ଉର ରେହମାନ ୪ ଓଭରରେ ୨୦ ରନ୍ ବ୍ୟୟରେ ୫ ଉଇକେଟ ନେଇଥିଲେ। ତାଙ୍କ ସହଯୋଗୀ ପାଲଟିଥିଲେ ରଶିଦ ଖାନ (୨.୨ ଓଭରରେ ୯ ରନ୍ରେ ୪ ଉଇକେଟ)। ଦୁହେଁ ୯ ଉଇକେଟ ନେବାରୁ ୧୯୧ ରନ୍ର ବିଶାଳ ବିଜୟ ଲକ୍ଷ୍ୟର ପିଛା କରୁଥିବା ସ୍କଟଲାଣ୍ଡ ମାତ୍ର ୧୦.୨ ଓଭରରେ ୬୦ ରନ୍ କରି ଅଲଆଉଟ୍ ହୋଇଯାଇଥିଲା। ଫଳରେ ୧୩୦ ରନ୍ର ବିଜୟ ସହ ଚଳିତ ଟି୨୦ ବିଶ୍ୱକପ୍ରେ ଅଭିଯାନ ଆରମ୍ଭ କରିଛି ଆଫଗାନିସ୍ତାନ। ଏହି ବିଜୟ ସହ ସ୍କଟଲାଣ୍ଡ ବିପକ୍ଷରେ ଆଫଗାନିସ୍ତାନ ତା’ର ବିଜୟର ରେକର୍ଡକୁ ୭-୦ରେ ପହଞ୍ଚାଇଛି । ଏହା ଆଫଗାନିସ୍ତାନ ପାଇଁ ଅନ୍ତର୍ଜାତୀୟ ଟି୨୦ ଫର୍ମାଟରେ ସବୁଠୁ ବଡ଼ ବିଜୟ।
