ନୂଆଦିଲ୍ଲୀ,୪।୭: ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନୀ ସର୍ବଦା ଦେଶକୁ ଆଗରେ ରଖନ୍ତି। ଦେଶ କଥା ଉଠିଲେ ସେ ଦ୍ୱିତୀୟ କିଛି ଚିନ୍ତା କରନ୍ତି ନାହିଁ, ଯାହାକି ଅବିଶ୍ୱସନୀୟ। ଧୋନୀଙ୍କୁ ଏଭଳି ପ୍ରଶଂସା କରିଛନ୍ତି ଭାରତୀୟ ବ୍ୟାଟ୍ସମ୍ୟାନ ଲୋକେଶ ରାହୁଲ।
ଫୋର୍ବସ ମାଗାଜିନକୁ ଦେଇଥିବା ସାକ୍ଷାତ୍କାରରେ ରାହୁଲ କହିଛନ୍ତି, କ୍ୟାରିୟରରେ ଯେତେ ଉତ୍ଥାନ ପତନ ଆସିଲେ ମଧ୍ୟ କେଉଁଭଳି ନମ୍ର ରହିବାକୁ ହୁଏ, ମୁଁ ଧୋନୀଙ୍କ ଠାରୁ ଶିକ୍ଷିଛି। ଦୁଇ ଥର ବିଶ୍ୱକପ୍ ବିଜେୟୀ ଅଧିନାୟକ ଧୋନୀ ସର୍ବଦା ନମ୍ର ଓ ଶାନ୍ତ ରୁହନ୍ତି। ଫିଲ୍ଡ ମଧ୍ୟରେ ହେଉ କି ବାହାରେ। ଉଲ୍ଲେଖଯୋଗ୍ୟ, ଧୋନୀଙ୍କ ନେତୃତ୍ୱରେ ଦିନିକିଆ ପଦାର୍ପଣ କରିଥିଲେ ରାହୁଲ। ଧୋନୀଙ୍କ ଅନ୍ତିମ ଟେଷ୍ଟ ସିରିଜ୍ରେ ରାହୁଲଙ୍କୁ ମିଳିଥିଲା କ୍ୟାରିୟରର ପ୍ରଥମ ଟେଷ୍ଟ କ୍ୟାପ। ୨୦୧୬ରୁ ୧୭ରେ ଧୋନୀଙ୍କ ନେତୃତ୍ୱରେ ଖୁବ୍ ଦିନିକିଆ ଓ ଟି୨୦ ମ୍ୟାଚ୍ ଖେଳିଛନ୍ତି ଏହି ଡାହାଣହାତୀ ଷ୍ଟାଇଲିଶ ବ୍ୟାଟ୍ସମ୍ୟାନ।
