ଭାରତୀୟ ଉଇକେଟ କିପର ବ୍ୟାଟ୍ସମ୍ୟାନ ମହେନ୍ଦ୍ର ସିଂ ଧୋନୀ ସୋସିଆଲ ମିଡିଆଠାରୁ ବହୁ ଦୂରରେ ଥାନ୍ତି। କିନ୍ତୁ ତାଙ୍କ ସ୍ତ୍ରୀ ସାକ୍ଷୀ ସୋସିଆଲ ମିଡିଆରେ ଅଧିକ ସକ୍ରିୟ ଅଛନ୍ତି। ଲକଡାଉନରେ ପ୍ରଶଂସକମାନେ ଧୋନୀଙ୍କ ବିଷୟରେ ସୋଶୀ ମିଡିଆ ଆକାଉଣ୍ଟ ଜରିଆରେ ସୂଚନା ପାଇଥିଲେ। ନିକଟରେ ସାକ୍ଷୀ ଏକ ଫଟୋ ଶେୟାର କରିଛନ୍ତି। ଫଟୋରେ ଝିଅ ଜିଭା ଏକ କୁନି ଶିଶୁ ସହ ନଜର ଆସୁଛନ୍ତି। ଏହି ଫଟୋ ଶେୟାର କରିବା ପରେ ସାକ୍ଷୀଙ୍କୁ ସୋସିଆଲ ମିଡିଆରେ ଅନେକ ପ୍ରଶ୍ନ କରାଯାଉଛି। କେବଳ ଏତିକି ନୁହେଁ, ୟୁଜର୍ସମାନେ ଦ୍ୱିତୀୟ ସନ୍ତାନ ପାଇଁ ମଧ୍ୟ ତାଙ୍କୁ ଅଭିନନ୍ଦନ ଜଣାଇଛନ୍ତି। କିଛି ୟୁଜର୍ସ ଧୋନୀ ଲକ୍ଡାଉନରେ ପୁଣି ହେଲେ ବୋଲି କହିଛନ୍ତି। ଆଉ କିଏ କହୁଛନ୍ତି ନିକଟରେ ପିତା ହୋଇଥିବା ହାର୍ଦ୍ଦିକଙ୍କ ପୁଅ ସହ ଜିଭା ଖେଳୁଛନ୍ତି। ହାର୍ଦ୍ଦିକ ଏବଂ ଧୋନୀ ପରସ୍ପରର ଅତି ନିକଟତର। ଧୋନୀଙ୍କ ଜନ୍ମଦିନରେ ହାର୍ଦ୍ଦିକ ତାଙ୍କ ଭାଇ କ୍ରୁନାଲ ଏବଂ ଭାଉଜଙ୍କ ସହ ଜନ୍ମଦିନ ପାଳନ କରିବାକୁ ରାଞ୍ଚି ଆସିଥିଲେ।
