ଗଞ୍ଜାମ, ୨୨।୬(ବିଦ୍ୟାଧର ସାହୁ ): ଗଞ୍ଜାମ ବ୍ଲକ ଅନ୍ତର୍ଗତ ପାଳିବନ୍ଧ ପଞ୍ଚାୟତ ୧୬ ନଂ ଜାତୀୟ ରାଜପଥ ପାର୍ଶ୍ୱରେ ଅବସ୍ଥିତ ଲକ୍ଷ୍ମୀପୁର ଗ୍ରାମଠାରେ ଆସନ୍ତା ୧୯ରୁ ଆରମ୍ଭ ହୋଇଥିବା ଚବିଶି ପ୍ରହର ମହାଯଜ୍ଞ ସୋମବାର ଚତୁର୍ଥ ଦିବସରେ ପହଂଚିଛି । ମହାବୀର ହନୁମାନଙ୍କ ବିଗ୍ରହ ପ୍ରତିଷ୍ଠା ଏବଂ ନୂତନ ଚୈତନ୍ୟ ମଠ ପ୍ରତିଷ୍ଠା ଉପଲକ୍ଷେ ଏହି ଯଜ୍ଞ ଆୟୋଜନ କରାଯାଇଥିବା ଗ୍ରାମବାସୀ ପକ୍ଷରୁ କୁହାଯାଇଛି । ଗ୍ରାମ ମଝିରେ ନାମ ଯଜ୍ଞ ଚାଲିଥିବା ବେଳେ ଘୃତ ଯଜ୍ଞ, ଅର୍ଣ୍ଣ ଯଜ୍ଞ ଆଦି ଅନୁଷ୍ଠିତ ହେଉଅଛି । ସୋମବାର ବ୍ରହ୍ମପୁର ସାଂସଦ ଡ଼ଃ. ପ୍ରଦୀପ କୁମାର ପାଣିଗ୍ରାହୀ ଲକ୍ଷ୍ମୀପୁର ଗ୍ରାମ ଗ୍ରସ୍ତ କରି ପ୍ରଭୁକୃପା ଲାଭ କରିଥିଲେ। ସାଂସଦଙ୍କୁ ଗ୍ରାମବାସୀଙ୍କ ପକ୍ଷରୁ ସମ୍ବର୍ଦ୍ଧନା ଦିଆ ଯାଇଥିଲା । ଏହା ସହ ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ ମଧ୍ୟ ଯାଇ ଦର୍ଶନ କରିଥିବା ଜଣାପଡିଛି।
ବର୍ଷା ସତେ ପ୍ରସାଦ ସେବନ ନିମନ୍ତେ ଆନନ୍ଦ ବଜାରରେ ଭକ୍ତ ମାନଙ୍କ ପ୍ରବଳ ଭିଡ଼ ଜମୁଥିବା ଦେଖିବାକୁ ମିଳିଛି । ଗ୍ରାମ ନିକଟସ୍ଥ ଏକ ପଡିଆରେ ରାମ ଦୋଳି, ମିନା ବଜାର ଆଦି ୫୦ରୁ ଅଧିକ ଷ୍ଟଲ ପଡିଛି । ଏଥିପାଇଁ ଗ୍ରାମ୍ୟ ଭଦ୍ରଲୋକ ଆଇନଜୀବୀ ଦୁର୍ଯ୍ୟୋଧନ ରେଡି, ସଭାପତି ଆର ହରିହର ରେଡି, ଏନ ଗଙ୍ଗାଧର ରେଡି,ଏ ଗୌରା ରେଡି, ସୁମୁନାଥ ରେଡି, ଆର ସନ୍ତୋଷ ରେଡି, ଏସ ପର୍ଶୁରାମ ରେଡି, ଆର ଶ୍ରୀରାମ ରେଡିଙ୍କ ସମେତ ଗ୍ରାମବାସୀ ଏହାକୁ ପରିଚାଳନା କରୁଛନ୍ତି। ଅତି ଶାନ୍ତି ଶୃଙ୍ଖଳାର ଶହ ଯଜ୍ଞ ଚାଲିଛି । ସାରେ ଏହି ଯଜ୍ଞ ଦେଖିବାକୁ ଆଖପାଖ ଅଞ୍ଚଳ ପ୍ରାୟ ହଜାର ହଜାର ମହିଳା ପୁରୁଷ ଭକ୍ତଙ୍କ ସୁଅ ଛୁଟୁଛି । ଭକ୍ତମାନଙ୍କ ସୁରକ୍ଷିତ ଠକୁର ଦର୍ଶନ ନିମନ୍ତେ ଯଜ୍ଞ ପରିଚାଳନା କମିଟି ପକ୍ଷରୁ ବ୍ୟାପକ ବନ୍ଦୋବସ୍ତ କରାଯାଇଛି । ଆସନ୍ତାକାଲି ଯଜ୍ଞ ଶେଷ ହେବ । ହୋମ ଯଜ୍ଞରେ ଗଞ୍ଜାମ ଥାନା ପୋଲିସ କର୍ମଚାରୀ ସୋମନାଥ ରେଡି ଓ ତାଙ୍କ ସହଧର୍ମିଣୀ ଦାୟିତ୍ୱ ତୁଲାଇଛନ୍ତି । ରାମ ନାମ ଏବଂ ପୁରୋହିତମାନଙ୍କ ବେଦ ମନ୍ତ୍ର ଧ୍ୱନିରେ ଲକ୍ଷ୍ମୀପୁର ଗ୍ରାମ ପ୍ରକମ୍ପିତ ହୋଇଉଠୁଛି । ରୋଡ଼ ପାର୍ଶ୍ୱରେ ଯଜ୍ଞ ହେଉଥିବା ଏବଂ ରାମଦୋଳି ମିନବଜାର ଆଦି ଯୋଗୁ ଆଇନଶୃଙ୍ଖଳା ନିମନ୍ତେ ଗଞ୍ଜାମ ଥାନା ଆଇଆଇସି ସୁମିତ୍ରା ପାତ୍ରଙ୍କ ନେତୃତ୍ୱରେ ବ୍ୟାପକ ପୋଲିସ ବନ୍ଦୋବସ୍ତ କରାଯାଇଛି ।