ମୋଟୁ ଥାନା ଆଇଆଇସି ଗିରଫ
1:01 pmSeptember 23, 2021September 23, 2021 / 05

ମାଲକାନଗିରି,୨୩ା୯(ଡି.ଏନ୍‌.ଏ.): ମାଲକାନଗିରି ଜିଲା ମୋଟୁ ଥାନା ଆଇଆଇସି ସୁଶାନ୍ତ ସାହୁ ଗିରଫ ହୋଇଛନ୍ତି। ତାଙ୍କୁ ଗିରଫ କରାଯାଇଥିବା ନେଇ ଭିଜିଲାନ୍ସ ପକ୍ଷରୁ ସୂଚନା ଦିଆଯାଇଛି। ନିଜ ଟୁଇଟର ପେଜ୍‌ରେ ଭିଜିଲାନ୍ସ ପକ୍ଷରୁ ଏହି ସୂଚନା ଦିଆଯାଇଛି। ଗତକାଲି ସୁଶାନ୍ତଙ୍କ ଠାରୁ ୨ ଲକ୍ଷ ୮୦ ହଜାର ଟଙ୍କା ମିଳିଥିଲା। ମୋଟୁରୁ ନିଜ ଘର ଫୁଲନଖରା ଆସୁଥିବାବେଳେ ଭିଜିଲାନ୍ସ ତାଙ୍କୁ ଧରିଥିଲା। ଖୋର୍ଦ୍ଧା ନିକଟରେ ଭିଜିଲାନ୍ସ ସୁଶାନ୍ତଙ୍କୁ ଧରିବା ସହ ଟଙ୍କା ଜବତ କରିଥିଲା । ତେବେ ଏତେ ଟଙ୍କା କେଉଁଠୁ ଆସିଲା ସେ ସମ୍ପର୍କରେ ସୁଶାନ୍ତ କିଛି ଉତ୍ତର ଦେଇପାରି ନ ଥିଲେ । ପରେ ସୁଶାନ୍ତଙ୍କ ଘର ଯାଞ୍ଚ ବେଳେ ଏକ ସେଲ ଡିଡ୍‌ ଠାବ କରାଯାଇଥିଲା । ନିଜ ସ୍ତ୍ରୀଙ୍କ ନାମରେ ନିକଟରେ କିଣିଥିବା ପ୍ଲଟ ସେଲଡିଡ ମିଳିଥିଲା ।