ଓ୍ବାଶିଂଟନ,୨୧।୪: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ଏକ ଭିଡିଓ ସୋସିଆଲ ମିଡିଆରେ ଘୂରି ବୁଲୁଛି। ନିକଟରେ ବ୍ରିଟିଶ ଟେଲିଭିଜନ ପକ୍ଷରୁ ଆୟୋଜିତ ଏକ ସାକ୍ଷାତ୍କାରରେ ଯୋଗଦେବା ଅବସରରେ ଉପସ୍ଥାପକ ମୋରଗାନଙ୍କ ପ୍ରଶ୍ନରେ ରାଗି ଯାଇ ଟ୍ରମ୍ପ୍ ଅଧାରୁ ଉଠିଆସିଥିବା ଦେଖିବାକୁ ମିଳିଛି। ମୋରଗାନ ଏହି ଶର୍ଟ କ୍ଲିପ୍କୁ ବୁଧବାର ଟୁଇଟରରେ ଶେୟାର କରିଥିଲେ। କାର୍ଯ୍ୟକ୍ରମ ରେକର୍ଡିଂ ଆରମ୍ଭରୁ ୨୦୨୦ ଆମେରିକା ରାଷ୍ଟ୍ରପତିି ନିର୍ବାଚନରେ ଟ୍ରମ୍ପ୍ଙ୍କ ପ୍ରଦର୍ଶନକୁ ପ୍ରଶଂସା କରିଥିଲେ। ବିଜ୍ଞାପନ ବିରତି ପରେ ଆଲୋଚନା ଆଗକୁ ବଢ଼ିଥିଲା। ମୋରଗାନ କହିଥିଲେ, ରାଷ୍ଟ୍ରପତି ନିର୍ବାଚନ ନିରପେକ୍ଷ ଥିଲା। ବୋକା ବ୍ୟକ୍ତି ହିଁ ନିର୍ବାଚନ ହାରିଥିବା ସେ କହିଥିଲେ। ଟ୍ରମ୍ପ୍ ଉତ୍କ୍ଷିପ୍ତ ହୋଇ ଶୋ’ ଛାଡ଼ି ପଳାଇ ଆସିଥିବା ଦେଖିବାକୁ ମିଳିଥିଲା।
