ନୂଆଦିଲ୍ଲୀ,୯।୧ : ରାଜଧାନୀ ଦିଲ୍ଲୀରେ ଲଗାତାର ୬ ଦିନ ଧରି ଆଇଟି ବିଭାଗର ୧୦୦ରୁ ଅଧିକ ଅଧିକାରୀ ବିଭିନ୍ନ ସ୍ଥାନରରେ ଚଢ଼ାଉ ଜାରି ରଖିଛନ୍ତି। ଚଢ଼ାଉ କୌଣସି ନେତା କିମ୍ବା ରାଜନେତାଙ୍କ ଘରେ ନୁହେଁ ବରଂ ବିଲଡରଙ୍କ ଘରେ ଚାଲିଛି। ଆୟକର ବିଭାଗର ଏହି ଚଢ଼ାଉ ବର୍ତ୍ତମାନ ପର୍ଯ୍ୟନ୍ତ ବିଲଡରଙ୍କ ବିରୋଧରେ ଆୟକର ବିଭାଗ ଦ୍ୱାରା ନିଆଯାଇଥିବା ସବୁଠାରୁ ବଡ ପଦକ୍ଷେପ ବୋଲି କୁହାଯାଉଛି। ଏହି ଚଢ଼ାଉ ୬ ଦିନ ପୂର୍ବରୁ ଆରମ୍ଭ ହୋଇଥିଲା, ଯାହା ଜାରି ରହିଛି । ମଙ୍ଗଳବାର ପରେ ଏହା ଆଉ କେତେ ଦିନ ଜାରି ରହିବ ସେ ସମ୍ବନ୍ଧରେ କୌଣସି ସୂଚନା ଆଇଟି ବିଭାଗ ପକ୍ଷରୁ ପ୍ରଦାନ କରାଯାଇ ନାହିଁ।
ଏହି ଚଢ଼଼ାଉରେ ଆୟକର ବିଭାଗ ୭୦୦ କୋଟିରୁ ଅଧିକ ମୂଲ୍ୟର କାରବାରର ଲିଙ୍କ୍ ପାଇଛି। କେବଳ ଏତିକି ନୁହେଁ ଆୟକର ବିଭାଗ ମଧ୍ୟ ୯ କୋଟି ଟଙ୍କା ମୂଲ୍ୟର ନଗଦ ଏବଂ ଅଳଙ୍କାର ଜବତ କରିଛି।
ବିଭାଗ ଅନେକ ଡକ୍ୟୁମେଣ୍ଟ ଏବଂ ଡିଜିଟାଲ ପ୍ରମାଣ ମଧ୍ୟ ଜବତ କରିଛି। ଆୟକର ବିଭାଗ ଗୁରୁବାର ଦିନ ଉତ୍ତରପ୍ରଦେଶର ନୋଏଡାରୁ ଏହି ଚଢ଼ାଉ ଆରମ୍ଭ କରିଥିଲା। ନୋଏଡା, ଦିଲ୍ଲୀ ଏବଂ ହରିୟାଣାର ଫରିଦାବାଦରେ ମୋଟ ୩୭ଟି ସ୍ଥାନରେ ଏହି ଚଢ଼ାଉ କରାଯାଇଥିଲା।
