ଭୁବନେଶ୍ୱର: ଜ୍ୟୋତିଷ ଶାସ୍ତ୍ରରେ ଗ୍ରହଙ୍କ ଚଳନ ଓ ସେମାନଙ୍କର ପରସ୍ପର ସ୍ଥିତିକୁ ବେଶ ଗୁରୁତ୍ୱ ଦିଆଯାଏ। ଦୁଇଟି ଗ୍ରହ ନିର୍ଦ୍ଦିଷ୍ଟ ସ୍ଥିତିରେ ଆସିଲେ ବିଭିନ୍ନ ଯୋଗ ସୃଷ୍ଟି ହୋଇଥାଏ, ଯାହାର ପ୍ରଭାବ ରାଶିଚକ୍ର ଉପରେ ପଡ଼ିଥାଏ ବୋଲି ଜ୍ୟୋତିଷୀୟ ମାନ୍ୟତା ରହିଛି। ସେପ୍ଟେମ୍ବର ୧୬ରେ ଗୁରୁ ଓ ଚନ୍ଦ୍ରମାଙ୍କ ସ୍ଥିତିରୁ ଏକ ଶୁଭ ସଂଯୋଗ ସୃଷ୍ଟି ହେବାକୁ ଯାଉଛି। ଏହାକୁ ନବପଞ୍ଚମ ଯୋଗ ବୋଲି କୁହାଯାଏ।
ବୈଦିକ ଜ୍ୟୋତିଷ ଅନୁସାରେ, କୁଣ୍ଡଳୀରେ ଦୁଇଟି ଗ୍ରହ ପରସ୍ପରଠାରୁ ପଞ୍ଚମ ଓ ନବମ ଭାବର ସମ୍ପର୍କରେ ଥିଲେ ନବପଞ୍ଚମ ଯୋଗ ଗଠିତ ହୁଏ। ଜ୍ୟୋତିଷୀୟ ଗଣନାରେ ଦୁଇ ଗ୍ରହଙ୍କ ମଧ୍ୟରେ ୧୨୦ ଡିଗ୍ରୀର କୋଣୀୟ ସମ୍ପର୍କକୁ ମଧ୍ୟ ଏହି ଯୋଗ ସହ ଯୋଡ଼ାଯାଏ। ଏହାକୁ ଏକ ଶୁଭ ଯୋଗ ଭାବେ ବିବେଚନା କରାଯାଏ।
ଜ୍ୟୋତିଷୀୟ ମାନ୍ୟତା ଅନୁସାରେ, ଏହି ଯୋଗ ଗଠନ ହେଲେ ଜୀବନରେ ସକାରାତ୍ମକ ପରିବର୍ତ୍ତନ ଆସିପାରେ। ହଠାତ୍ ଧନଲାଭର ସୁଯୋଗ, କ୍ୟାରିୟରରେ ଉନ୍ନତି, ମାନ-ସମ୍ମାନ ଏବଂ ନୂଆ ସୁଯୋଗ ମିଳିବାର ସମ୍ଭାବନା ରହିଥାଏ ବୋଲି ମାନ୍ୟତା ରହିଛି। ଜ୍ୟୋତିଷ ଅନୁସାରେ ପଞ୍ଚମ ଭାବ ବୁଦ୍ଧି, ଜ୍ଞାନ, ସନ୍ତାନ, ପ୍ରେମ ଏବଂ ଧନ ନିବେଶ ସହ ଜଡ଼ିତ। ସେହିପରି ନବମ ଭାବକୁ ଭାଗ୍ୟ, ଧର୍ମ, ଉଚ୍ଚଶିକ୍ଷା, ପିତା ଏବଂ ଜୀବନରେ ମିଳୁଥିବା ଶୁଭ ସୁଯୋଗର ଭାବ ବୋଲି କୁହାଯାଏ। ତେଣୁ ଏହି ଦୁଇ ଭାବ ସହ ଜଡ଼ିତ ଗ୍ରହଙ୍କ ସମ୍ପର୍କକୁ ଲାଭଦାୟକ ବୋଲି ବିଚାର କରାଯାଏ।
ଗୁରୁ-ଚନ୍ଦ୍ରମାଙ୍କ ନବପଞ୍ଚମ ଯୋଗ ମେଷ ରାଶି ପାଇଁ ଭାଗ୍ୟର ସାଥ୍ ଆଣିପାରେ। ଅଟକି ରହିଥିବା କାମରେ ଗତି ଆସିବା ସହ ନୂଆ ସୁଯୋଗ ମିଳିପାରେ। କ୍ୟାରିୟରରେ ଆଗକୁ ବଢ଼ିବାର ରାସ୍ତା ଖୋଲିପାରେ।
ଏହି ଯୋଗ ମିଥୁନ ରାଶିର ଜାତକଙ୍କ ବୁଦ୍ଧି ଓ ନିଷ୍ପତ୍ତି ନେବାର କ୍ଷମତାକୁ ମଜବୁତ କରିପାରେ। କାର୍ଯ୍ୟକ୍ଷେତ୍ରରେ ସଫଳତା ସହ ଆର୍ଥିକ ସ୍ଥିତିରେ ମଧ୍ୟ ସୁଧାର ଆସିବାର ସଙ୍କେତ ରହିଛି।
ନବପଞ୍ଚମ ଯୋଗର ପ୍ରଭାବରେ କ୍ୟାରିୟରରେ ଉନ୍ନତି ଓ ମାନ-ସମ୍ମାନ ମିଳିପାରେ। ହଠାତ୍ କୌଣସି ଭଲ ସୁଯୋଗ ହାତକୁ ଆସିପାରେ, ଯାହା ଭବିଷ୍ୟତରେ ବଡ଼ ଲାଭ ଦେଇପାରେ।
ଧନୁ ରାଶିର ଜାତକଙ୍କ ପାଇଁ ଏହି ଯୋଗ ଭାଗ୍ୟକୁ ମଜବୁତ କରିପାରେ। ଉଚ୍ଚଶିକ୍ଷା, କ୍ୟାରିୟର କିମ୍ବା ନୂଆ କାମ ସହ ଜଡ଼ିତ ଭଲ ସୁଯୋଗ ମିଳିପାରେ। ଏଥିସହ ଧନଲାଭର ମଧ୍ୟ ଯୋଗ ରହିଥିବା ଜ୍ୟୋତିଷୀୟ ମାନ୍ୟତା ରହିଛି।
