ନୂଆଦିଲ୍ଲୀ: ଭାରତୀୟ ସିନେମା ଜଗତର ସର୍ବୋଚ୍ଚ ସମ୍ମାନ ଦାଦାସାହେବ ଫାଲକେ ପୁରସ୍କାର ୨୦୨୩ ପାଇଁ ଦକ୍ଷିଣ ଭାରତୀୟ ଅଭିନେତା ମୋହନଲାଲଙ୍କ ନାମ ଘୋଷଣା କରାଯାଇଛି। ଭାରତ ସରକାରଙ୍କ ପକ୍ଷରୁ ଏହି ଘୋଷଣା କରାଯାଇଥିବା ବେଳେ ମୋହନଲାଲଙ୍କ ପ୍ରଶଂସକଙ୍କ ମଧ୍ୟରେ ଉତ୍ସାହ ଓ ଖୁସିର ଲହରୀ ଖେଳିଯାଇଛି। ଦାଦାସାହେବ ଫାଲକେ ପୁରସ୍କାର ଚୟନ କମିଟିର ସୁପାରିଶ ଆଧାରରେ ଏହି ଘୋଷଣା କରାଯାଇଛି। ମୋହନଲାଲଙ୍କୁ ଏହି ପୁରସ୍କାର ୨୩ ସେପ୍ଟେମ୍ବର ୨୦୨୫ରେ ୭୧ତମ ଜାତୀୟ ଚଳଚ୍ଚିତ୍ର ପୁରସ୍କାର ଉତ୍ସବରେ ପ୍ରଦାନ କରାଯିବ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ନିଜ ସୋସିଆଲ ମିଡିଆ ମାଧ୍ୟମରେ ମୋହନଲାଲଙ୍କୁ ଶୁଭେଚ୍ଛା ଜଣାଇଛନ୍ତି। ସେ ଲେଖିଛନ୍ତି, “ମୋହନଲାଲ ଜୀ ଉତ୍କର୍ଷତା ଓ ବହୁମୁଖୀ ପ୍ରତିଭାର ପ୍ରତୀକ। ଦଶନ୍ଧି ଧରି ଚାଲିଥିବା ତାଙ୍କର ଅସାଧାରଣ କ୍ୟାରିୟର ତାଙ୍କୁ ମାଲୟାଲମ ସିନେମା ଓ ଥିଏଟରର ସବୁଠାରୁ ଉଜ୍ଜ୍ୱଳ ତାରକା କରିଛି। ସେ କେରଳର ସଂସ୍କୃତି ପ୍ରତି ଅତ୍ୟନ୍ତ ଉତ୍ସାହୀ ଏବଂ ନିଜ କାର୍ଯ୍ୟ ମାଧ୍ୟମରେ ଏହାକୁ ସର୍ବଦା ଆଗକୁ ନେଇଛନ୍ତି। ସେ ତେଲୁଗୁ, ତାମିଲ, କନ୍ନଡ଼ ଓ ହିନ୍ଦୀ ଚଳଚ୍ଚିତ୍ରରେ ମଧ୍ୟ ଚମତ୍କାର ଅଭିନୟ କରିଛନ୍ତି।”
Shri Mohanlal Ji epitomises excellence and versatility. With a rich body of work spanning decades, he stands as a leading light of Malayalam cinema, theatre and is deeply passionate about the culture of Kerala. He has also delivered remarkable performances in Telugu, Tamil,… https://t.co/4MWI1oFJsJ pic.twitter.com/P0DkKg1FWL
— Narendra Modi (@narendramodi) September 20, 2025
ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ମଧ୍ୟ ମୋହନଲାଲଙ୍କୁ ଅଭିନନ୍ଦନ ଜଣାଇଛନ୍ତି। ସେ ନିଜର ଅଫିସିଆଲ ସୋସିଆଲ ମିଡିଆରେ ଲେଖିଛନ୍ତି, “କେରଳର ସୁନ୍ଦର ଭୂମି ଆଦିପୋଲିରୁ ଆରମ୍ଭ କରି ବିଶ୍ୱବ୍ୟାପୀ ଦର୍ଶକଙ୍କ ପାଖରେ ପହଞ୍ଚିବା ପର୍ୟ୍ୟନ୍ତ, ତାଙ୍କର କାର୍ଯ୍ୟ ଆମ ସଂସ୍କୃତିର ଉତ୍ସବ ମନାଇଛି ଓ ଆମର ଆକାଂକ୍ଷାକୁ ବଢ଼ାଇଛି। ତାଙ୍କର ସାମ୍ରାଜ୍ୟ ଭାରତର ସୃଜନଶୀଳ ଚେତନାକୁ ପ୍ରେରଣା ଦେବା ଜାରି ରଖିବ।”
Congratulations to Lalettan @Mohanlal ji.
From the adipoli, beautiful land of Kerala to audiences worldwide, his work has celebrated our culture and magnified our aspirations.
His legacy will keep inspiring Bharat’s creative spirit. https://t.co/dcO6pqPZoE
— Ashwini Vaishnaw (@AshwiniVaishnaw) September 20, 2025
ମୋହନଲାଲଙ୍କର ଚଳଚ୍ଚିତ୍ର ଯାତ୍ରା ଲକ୍ଷ ଲକ୍ଷ ଲୋକଙ୍କ ପାଇଁ ପ୍ରେରଣାଦାୟୀ। ଅଭିନୟ ସହିତ ସେ ନିର୍ଦ୍ଦେଶନା ଓ ପ୍ରଯୋଜନା କ୍ଷେତ୍ରରେ ମଧ୍ୟ ନିଜର ଅଲଗା ପରିଚୟ ସୃଷ୍ଟି କରିଛନ୍ତି। ତାଙ୍କର ଚଳଚ୍ଚିତ୍ର କ୍ୟାରିୟରରେ ସେ ୪୦୦ରୁ ଅଧିକ ଚଳଚ୍ଚିତ୍ରରେ କାମ କରିଛନ୍ତି। ମଲୟାଲମ ସହିତ ତାମିଲ, ତେଲୁଗୁ ଓ ହିନ୍ଦୀ ଚଳଚ୍ଚିତ୍ରରେ ମଧ୍ୟ ସେ ନଜର ଆସିଛନ୍ତି। ମୋହନଲାଲଙ୍କ ନାମରେ ୫ଟି ଜାତୀୟ ଚଳଚ୍ଚିତ୍ର ପୁରସ୍କାର ଓ ୯ଟି କେରଳ ରାଜ୍ୟ ଚଳଚ୍ଚିତ୍ର ପୁରସ୍କାର ରହିଛି। ଏହା ବ୍ୟତୀତ ଭାରତ ସରକାର ତାଙ୍କୁ ପଦ୍ମଭୂଷଣ ଓ ପଦ୍ମଶ୍ରୀ ଭଳି ସମ୍ମାନ ପ୍ରଦାନ କରିଛନ୍ତି।
