ପାଟଣା,୩।୬(ବୀର କିଶୋର ଦାଶ) : କେନ୍ଦୁଝର ଜିଲା ପାଟଣା ଥାନା ଏରେଇଣ୍ଡେଇ ପଞ୍ଚାୟତ ଅନ୍ତର୍ଗତ ଗିଲିରିଦୁମା ଗ୍ରାମର ଜଣେ ୨୫ବର୍ଷୀୟ ଯୁବକଙ୍କ ମଙ୍ଗଳବାର ସାପ କାମୁଡାରେ ଚିକିତ୍ସାଧୀନ ଅବସ୍ଥାରେ କେନ୍ଦୁଝର ଧରଣୀଧର ମେଡିକାଲ କଲେଜରେ ମୃତ୍ୟୁ ଘଟିଛି। ମୃତକ ହେଉଛନ୍ତି
ସାଂଘାଇ ମାଝୀଙ୍କ ପୁଅ ମୋହନ ମାଝୀ ।
ସୂଚନା ଅନୁଯାୟୀ ସୋମବାର ରାତ୍ରୀରେ ମୋହନ ମାଝୀ ଘର ବାରଣ୍ଡାରେ ଶୋଇଥିବା ସମୟରେ ଉଇ ହୁଙ୍କା ଗାତରୁ ବିଷ ଧର ଚିତି ସାପ ବାହାରି ମୋହନ ମାଝୀଙ୍କ ଡାହାଣ ହାତ କାନି ଆଙ୍ଗୁଳିରେ ଚୋଟ ମାରିଥିଲା । ଯାହାଫଳରେ ମୋହନ ମାଝୀ ଗୁରୁତର ହେବାରୁ ପରିବାର ଲୋକମାନେ ଦେଖି ମୋହନ ମାଝୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିପରିବାର ଲୋକେ ପ୍ରଥମେ ପାଟଣା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ। ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ କେନ୍ଦୁଝର ମେଡିକାଲ କଲେଜକୁ ସ୍ଥାନାନ୍ତରିତ କରିଥିଲେ ସେଠାର ଚିକିତ୍ସାଧୀନ ଅବସ୍ଥାରେ ମଙ୍ଗଳବାର ଭୋର ୫ଟାରେ ମୃତ୍ୟୁ ଘଟିଛି। ଏନେଇ ପାଟଣା ଥାନାରେ ୨୬/୨୬ରେ ଏକ ଅପମୃତ୍ୟୁ ମାମଲା ରୁଜୁ ହୋଇଥିବା ଏଏସଆଇ ଗୌର ହରି ଗର୍ଡିଆ କହିଛନ୍ତି।