ନୂଆଦିଲ୍ଲୀ,୮।୧୧: ପାକିସ୍ତାନର ପୂର୍ବତନ ଖେଳାଳି ହସନ ରାଜାଙ୍କ ଉପରେ ବର୍ଷିଛନ୍ତି ଭାରତର ଦ୍ରୁତ ବୋଲର ମହମ୍ମଦ ଶାମି। ବିଶ୍ୱକପ୍ରେ ନିଜର ଦମ୍ଦାର ବୋଲିଂକୁ ନେଇ ଚର୍ଚ୍ଚାରେ ଥିବା ଶାମି ହସନଙ୍କ ଭାରତୀୟ ବୋଲରଙ୍କୁ ନେଇ ଦେଇଥିବା ବିବାଦୀୟ ବୟାନ ପ୍ରସଙ୍ଗରେ ମୁହଁ ଖୋଲିଛନ୍ତି। ଇନ୍ଷ୍ଟାଗ୍ରାମ ଷ୍ଟୋରୀ ମାଧମରେ ସେ ତାଙ୍କୁ ଟାର୍ଗେଟ କରି କହିଛନ୍ତି, ‘ଭାରତ ଚିଟିଂ କରୁଛି? ଲାଜ ଲାଗିବା କଥା। ନିଜର ଖେଳ ଉପରେ ଫୋକସ୍ କର। ଫାଲତୁ କଥା ଉପରେ ନୁହେଁ। ଏଇଟା ବିଶ୍ୱକପ୍ ମ୍ୟାଚ୍ ଅଟେ ନା କି ତୁମର ଲୋକାଲ ଟୁର୍ନାମେଣ୍ଟ। ନିଜେ ଖେଳାଳି ଥିଲ ନା? ଓ୍ବାସିମ୍ ଭାଇ ବି ବୁଝାଇଲେ, ଲାଗୁଛି ଆପଣଙ୍କୁ ନିଜ ଖେଳାଳି ଓ୍ବାସିମ ଅକ୍ରରମଙ୍କ ଉପରେ ମଧ୍ୟ ବିଶ୍ୱାସ ନାହିଁ। ଅଜବ କଥା। ’
ବିଶ୍ୱକପ୍ରେ ଟିମ୍ ଇଣ୍ଡିଆର ଘାତକ ବୋଲିଂ ଦେଖିବା ପରେ ପାକିସ୍ତାନର ପୂର୍ବତନ ଖେଳାଳି ହସନ ଆଇସିସି ଉପରେ ପ୍ରଶ୍ନ ଉଠାଇଥିଲେ। ଆଇସିସି ଦଳକୁ ଭିନ୍ନ ବଲ ଦେଉଛି, ଯେଉଁଥିପାଇଁ ତାଙ୍କ ବୋଲରମାନଙ୍କୁ ପିଚ୍ରୁ ଅତିରିକ୍ତ ସହାୟତା ମିଳୁଛି। ହସନଙ୍କ ଏହି ଦଲିଲ ପୂର୍ଣ୍ଣ ମାତ୍ରାରେ ନିରାଧାର ଅଟେ, କାରଣ ନିୟମାନୁଯୟୀ ଏହା ସମ୍ଭବ ନୁହେଁ। ଏହାକୁ ନେଇ ଦଳର ବରିଷ୍ଠ ବୋଲର ଓ୍ବାସିମ ମଧ୍ୟ ବିସ୍ତୃତ ଭାବେ ବୁଝାଇଥିଲେ।
କହିରଖୁଛୁ, ଶାମି ଏଯାବତ ମାତ୍ର ୪ ମ୍ୟାଚ୍ ଖେଳିଛନ୍ତି। ସେଥିରେ ସେ ୧୬ ଉଇକେଟ ନେଇଛନ୍ତି। ଏଥିରେ ୨ ଥର ୫ ଉଇକେଟ ଏବଂ ଥରେ ୪ ଉଇକେଟ ନେବାର କାରନାମା ରହିଛି।
