ଆବୁଧାବି,୧୦।୧୧: ଚଳିତ ଟି୨୦ ବିଶ୍ୱକପ୍ର ଫାଇନାଲରେ ସ୍ଥାନ ପକ୍କା କରିବା ପାଇଁ ନ୍ୟୁଜିଲାଣ୍ଡକୁ ୧୬୭ ରନ୍ ଦରକାର। ସ୍ଥାନୀୟ ଶେଖ ଜାୟେଦ ଷ୍ଟାଡିୟମରେ ବୁଧବାର ଖେଳାଯାଉଥିବା ସେମିଫାଇନାଲରେ ପ୍ରଥମେ ବ୍ୟାଟିଂ କରିଥିବା ଇଂଲଣ୍ଡ ୨୦ ଓଭରରେ ୪ ଉଇକେଟ ହରାଇ ୧୬୬ ରନ କରିଛି।
ଟସ୍ ଜିତିବା ଠାରୁ ଆରମ୍ଭ କରି ପ୍ରାରମ୍ଭିକ ୧୦ ଓଭର ପର୍ଯ୍ୟନ୍ତ ମ୍ୟାଚ୍କୁ ନିୟନ୍ତ୍ରଣରେ ରଖିଥିଲା ନ୍ୟୁଜିଲାଣ୍ଡ। ୧୦ ଓଭର ସୁଦ୍ଧା ଇଂଲଣ୍ଡ ୨ ଉଇକେଟ ହରାଇ ମାତ୍ର ୬୭ ରନ୍ କରିଥିଲା। କିନ୍ତୁ ଡଓ୍ବେିଡ ମଲାନ ( ୪୨ ରନ୍, ୪ ଚୌକା ଓ ୧ ଛକା), ମୋଇନ ଅଲି ( ୫୧ ରନ୍, ୩ ଚୌକା ଓ ୨ ଛକା) ଓ ଲିଆମ ଲିଭିଂଷ୍ଟୋନ (୧୭ ରନ୍, ୧ ଲେଖାଏ ଚୌକା ଓ ଛକା)ଙ୍କ ଯୋଗୁ ଇଂଲଣ୍ଡ ଅନ୍ତିମ ୧୦ ଓଭରରେ ୨ ଉଇକେଟ ହରାଇ ୯୯ ରନ୍ ଯୋଡ଼ିଥିଲା।
