ପାଟନା,୧।୧୧: ବିହାର ବିଧାନସଭା ନିର୍ବାଚନ ପ୍ରଚାର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ଛପରାଠାରେ ଆୟୋଜିତ ସଭାରେ ଜନସାଧାରଣଙ୍କୁ ସମ୍ବୋଧିତ କରିଛନ୍ତି। ସେ କଂଗ୍ରେସର ରାହୁଲ ଗାନ୍ଧୀ ଏବଂ ଆର୍ଜେଡ଼ିର ତେଜସ୍ବୀ ଯାଦବଙ୍କ ନାମ ନ ନେଇ କହିିଛନ୍ତି ଯେ, ବିହାରରେ ଡବଲ ଯୁବରାଜ ନିର୍ବାଚନ ଜିଣିବାର ଉଦ୍ୟମ କରୁଛନ୍ତି। ତେବେ ଶେଷରେ ସେମାନଙ୍କ ଅବସ୍ଥା ଉତ୍ତରପ୍ରଦେଶ ଭଳି ହେବ। ରାଜ୍ୟରେ ଜଣେ ଯୁବରାଜଙ୍କ ଯୋଗୁ ଜଙ୍ଗଲରାଜ ଆରମ୍ଭ ହୋଇଥିଲା। ମାତ୍ର ଏନ୍ଡିଏର ଡବଲ ଇଞ୍ଜିନ ସରକାର ଯୋଗୁ ରାଜ୍ୟର ବହୁବିଧ ବିକାଶ ସମ୍ଭବ ହୋଇପାରିଛି। ବିଧାନସଭା ନିର୍ବାଚନରେ ଡବଲ ଇଞ୍ଜିନ ସରକାର ଆଗେଇବ। କିନ୍ତୁ ଅପରପକ୍ଷରେ ଡବଲ ଯୁବରାଜଙ୍କ ସ୍ଥିତି ଦୟନୀୟ ହେବ। ବିହାର ଜନତା ଉତ୍ତରପ୍ରଦେଶ ଭଳି ଯୁବରାଜମାନଙ୍କୁ ପ୍ରତ୍ୟାଖାନ କରିବେ ବୋଲି ସେ କହିଛନ୍ତି।
