ରୋମ,୩୧।୧୦: ପାଞ୍ଚ ଦିନିଆ ବିଦେଶ ଗସ୍ତରେ ଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବର୍ତ୍ତମାନ ଇଟାଲୀର ରାଜଧାନୀ ରୋମରେ ଅଛନ୍ତି। ଜି -୨୦ ଶିଖର ସମ୍ମିଳନୀରେ ଭାଗ ନେବା ଅବସରରେ ସେ ରୋମର ଐହିହ୍ୟ ଉପଭୋଗ କରୁଛନ୍ତି। ରବିବାର ପ୍ରଧାନମନ୍ତ୍ରୀ ଅନ୍ୟ ବିଶ୍ୱ ନେତାଙ୍କ ସହ ଏଠାରେ ଅବସ୍ଥିତ ପ୍ରସିଦ୍ଧ ଟ୍ରେଭି ଫାଉଣ୍ଟେନ ପରିଦର୍ଶନ କରିଥିଲେ। ଏହା ଇଟାଲୀର ସବୁଠାରୁ ପ୍ରସିଦ୍ଧ ଦର୍ଶନୀୟ ସ୍ମାରକୀ ମଧ୍ୟରୁ ଅନ୍ୟତମ । ଏହି ସ୍ମାରକୀରେ ଅନେକ ଚଳଚ୍ଚିତ୍ର ନିର୍ମାତା ପ୍ରେମର ପ୍ରତୀକ ଭାବରେ ବଡ ପରଦାରେ ଉପସ୍ଥାପନ କରିଛନ୍ତି ।
ଜି-୨୦ ଇଟାଲୀର ଅଫିସିଆଲ ଟୁଇଟର ହ୍ୟାଣ୍ଡେଲରୁ ରବିବାର ଏହି ପ୍ରସଙ୍ଗରେ ଏକ ଟୁଇଟ କରାଯାଇଛି। ଟୁଇଟରେ ଲେଖାଥିଲା, ଜି -୨୦ ପ୍ରତିନିଧି ଦଳର ଅଧ୍ୟକ୍ଷମାନେ ଶିଖର ସମ୍ମିଳନୀର ଦ୍ୱିତୀୟ ଦିନ ସହରର ଆଇକନିକ ଲ୍ୟାଣ୍ଡମାର୍କ ଟ୍ରେଭି ଫାଉଣ୍ଟେନ୍କୁ ଯାଇଛନ୍ତି॥ ଏହା ଦୁନିଆର ସବୁଠାରୁ ସୁନ୍ଦର ଫାଉଣ୍ଟେନ ଏବଂ ଏହାର ଟସ୍ ପଡିବା ପରମ୍ପରା ପାଇଁ ସାରା ବିଶ୍ୱରେ ପ୍ରସିଦ୍ଧ।
ଏହି ବିଷୟରେ ଜି -୨୦ ଇଟାଲୀ ଦ୍ୱାରା ଏକ ଭିଡିଓ ମଧ୍ୟ ଜାରି କରାଯାଇଛି। ଭିଡିଓରେ, ଫାଉଣ୍ଟେନକୁ ଯାଇଥିବା ପ୍ରତିନିଧିମଣ୍ଡଳର ସଦସ୍ୟମାନେ ଟସ୍ ପକାଉଥିବା ନଜର ଆସିଛନ୍ତି। ଟସ୍ ପକାଇବାର ଅର୍ଥ ହେଉଛି ତୁମେ ନିଶ୍ଚିତ ଭାବରେ ପୁଣି ଥରେ ରୋମକୁ ଫେରିବ।
