ନୂଆଦିଲ୍ଲୀ,୪।୧୨: ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନ ଭାରତ ଗସ୍ତରେ ଆସିଛନ୍ତି। ପୁଟିନ ଦିଲ୍ଲୀର ପାଲମ ବିମାନବନ୍ଦରରେ ଅବତରଣ କରିବାମାତ୍ରେ ସେ କେବଳ ପ୍ରଧାନମନ୍ତ୍ରୀ ମୋଦିଙ୍କ ସହ ହାତ ମିଳାଇ ନ ଥିଲେ ବରଂ ତାଙ୍କୁ ଆଲିଙ୍ଗନ ମଧ୍ୟ କରିଥିଲେ। ଦୁଇ ନେତା ପୁଣି ଥରେ ଗୋଟିଏ କାରରେ ବସି ବାହାରିଗଲେ।
ଏହାପରେ ମୋଦି ଏକ୍ସରେ ରୁଷିଆ ଭାଷାରେ ଲେଖିଛନ୍ତି, ମୁଁ ମୋର ବନ୍ଧୁ ରାଷ୍ଟ୍ରପତି ପୁଟିନଙ୍କୁ ଦିଲ୍ଲୀରେ ସ୍ବାଗତ କରି ଖୁସି ଅନୁଭବ କରୁଛି। ମୁଁ ଆଜି ସନ୍ଧ୍ୟାରେ ଏବଂ ଆସନ୍ତାକାଲି ଆମର ବୈଠକ ପାଇଁ ଅପେକ୍ଷା କରିଛି। ଭାରତ ଏବଂ ରୁଷିଆ ମଧ୍ୟରେ ବନ୍ଧୁତା ସମୟର ପରୀକ୍ଷାରେ ସଫଳ ହୋଇଛି, ଏହା ଆମ ଲୋକଙ୍କୁ ଅତ୍ୟନ୍ତ ଲାଭ ଦେଇଛି।
ରୁଷିଆ-ୟୁକ୍ରେନ ଯୁଦ୍ଧ ଆରମ୍ଭ ହେବା ପରେ ଏହା ଭ୍ଲାଦିମିର ପୁଟିନଙ୍କ ପ୍ରଥମ ଭାରତ ଗସ୍ତ। ପ୍ରଧାନମନ୍ତ୍ରୀ ମୋଦି ଆଜି ରାତିରେ ତାଙ୍କ ସମ୍ମାନରେ ଏକ ବ୍ୟକ୍ତିଗତ ରାତ୍ରୀଭୋଜନ ଆୟୋଜନ କରିବେ। ପୁଟିନ ପ୍ରାୟ ୩୦ ଘଣ୍ଟା ପାଇଁ ଭାରତରେ ରହିବେ। ପୁଟିନଙ୍କ ଭାରତରେ ପହଞ୍ଚିବା ପୂର୍ବରୁ ଅନେକ ରୁଷିଆ ମନ୍ତ୍ରୀ ମଧ୍ୟ ଦିଲ୍ଲୀରେ ପହଞ୍ଚିଥିଲେ। ଏଥିରେ ଉପପ୍ରଧାନମନ୍ତ୍ରୀ ଡେନିସ ମାଣ୍ଟୁରୋଭ, ପ୍ରତିରକ୍ଷା ମନ୍ତ୍ରୀ ସେରଗେଇ ଶୋଇଗୁ ଏବଂ କୃଷି ମନ୍ତ୍ରୀ ଦିମିତ୍ରୀ ପେଟ୍ରୋଭ ସାମିଲ ଥିଲେ।
ପ୍ରଧାନମନ୍ତ୍ରୀ ମୋଦି ୨୦୨୪ରେ ଦୁଇଥର ରୁଷିଆ ଗସ୍ତ କରିଥିଲେ। ସେ BRICS ସମ୍ମିଳନୀ ପାଇଁ ଅକ୍ଟୋବର ୨୨ରେ ରୁଷିଆ ଗସ୍ତ କରିଥିଲେ। ଏହା ପୂର୍ବରୁ, ମୋଦି ଜୁଲାଇ ମାସରେ ମଧ୍ୟ ଦୁଇ ଦିନ ପାଇଁ ରୁଷିଆ ଗସ୍ତ କରିଥିଲେ। ସେ ପୁଟିନଙ୍କୁ ସେଠାରେ ଭାରତ ଗସ୍ତ ପାଇଁ ନିମନ୍ତ୍ରଣ କରିଥିଲେ।
Я рад приветствовать в Дели своего друга – Президента Путина. С нетерпением жду наших встреч сегодня вечером и завтра. Дружба между Индией и Россией проверена временем; она принесла огромную пользу нашим народам.@KremlinRussia_E pic.twitter.com/yqmhCbZBde
— Narendra Modi (@narendramodi) December 4, 2025
Dharitri – Odisha’s No.1 Odia Daily
