ନୂଆଦିଲ୍ଲୀ,୧୪।୩: ପ୍ରଧାନମନ୍ତ୍ରୀ ମୋଦିଙ୍କ କାର୍ଯ୍ୟକାଳର ପ୍ରମୁଖ ନିଷ୍ପତ୍ତିକୁ ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା ପ୍ରଶଂସା କରିଛନ୍ତି। ସେ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦିୀ ଅସମ୍ଭବ ମନେହେଉଥିବା ସମସ୍ତ କାର୍ଯ୍ୟ ସମାପ୍ତ କରିଛନ୍ତି। ଏହା ଧାରା ୩୭୦ ଅପସାରଣ ହେଉ ଯାହା ଜମ୍ମୁ କଶ୍ମୀରକୁ ସ୍ବତନ୍ତ୍ର ମାନ୍ୟତା ଦେଇଥାଏ କିମ୍ବା ୱାନ ରାଙ୍କ ୱାନ ପେନସନର କାର୍ଯ୍ୟକାରିତା ହେଉ। ଗୁଜୁରାଟ ସରକାରଙ୍କ ଏକ କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା ଶାହା ପ୍ରଧାନମନ୍ତ୍ରୀ ମୋଦିଙ୍କ କାର୍ଯ୍ୟକାଳ ସମ୍ପର୍କରେ ଏହି ମନ୍ତବ୍ୟ ଦେଇଛନ୍ତି। ଏହି ସମୟ ମଧ୍ୟରେ ସେ ଅହମ୍ମଦାବାଦ ଏବଂ ଗାନ୍ଧିନଗର ଜିଲାରେ ୩,୦୧୨କୋଟି ଟଙ୍କା ମୂଲ୍ୟର ପ୍ରକଳ୍ପର ଉଦଘାଟନ କରିଥିଲେ। ଏହି ସମୟ ମଧ୍ୟରେ ସେ କହିଛନ୍ତି ଯେ ପୂର୍ବ କଂଗ୍ରେସ ସରକାରଙ୍କ କାର୍ଯ୍ୟକାଳ ତୁଳନାରେ ଏହି ସମସ୍ତ କାର୍ଯ୍ୟ ଠିକ ସମୟରେ ଶେଷ ହେବ। ସେ ଏହା ମଧ୍ୟ କହିଛନ୍ତି ଯେ ଗତ ପାଞ୍ଚ ବର୍ଷ ମଧ୍ୟରେ ମୁଁ ଭୁମି ପୂଜନ କରିଥିବା ୯୧ ପ୍ରତିଶତ ପ୍ରକଳ୍ପ ସମ୍ପୂର୍ଣ୍ଣ ହୋଇଛି। ରାଜଧାନୀ ଦିଲ୍ଲୀରୁ ତାଙ୍କ ଭର୍ଚୁଆଲ ଆଡ୍ରେସରେ ସେ କହିଛନ୍ତି ଯେ ଏହା ହେଉଛି ଭାଜପାର କାର୍ଯ୍ୟ କରିବାର ଉପାୟ।
ଅମିତ ଶାହା ତାଙ୍କ ସମ୍ବୋଧନରେ ୨୦୧୪ ର ଭାଜପାର ମନିଫେଷ୍ଟୋ ବିଷୟରେ ମଧ୍ୟ ଉଲ୍ଲେଖ କରିଛନ୍ତି। ସେ କହିଛନ୍ତି ଯେ ୨୦୧୪ ରେ ଯେତେବେଳେ ଭାଜପା ସରକାର ଗଠନ ହୋଇଥିଲା। ତା’ପରେ ଭାଜପର ଏହାର ମନିଫେଷ୍ଟରେ ଅନେକ ଅସମ୍ପୂର୍ଣ୍ଣ କାର୍ଯ୍ୟକୁ ଅନ୍ତର୍ଭୁକ୍ତ କରିଥିଲା ଯାହା ଗତ ୫୦ ବର୍ଷ ଧରି ବିଚାରାଧୀନ ଥିଲା। ସେ ଆହୁରି ମଧ୍ୟ କହିଛନ୍ତି ଯେ ଅଯୋଧ୍ୟାରେ ଏକ ବିଶାଳ ରାମ ମନ୍ଦିର ନିର୍ମାଣ କରିବାକୁ ଦେଇଥିବା ପ୍ରତିଶ୍ରୁତି ଉପରେ ବିରୋଧୀମାନେ ଆମକୁ ହସୁଥିଲେ। କିନ୍ତୁ ବର୍ତ୍ତମାନ ପ୍ରଭୁଙ୍କ ‘ପ୍ରାଣ ପ୍ରତିଷ୍ଠା’ ପରେ ପ୍ରଧାନମନ୍ତ୍ରୀ ସମସ୍ତଙ୍କ ପାଇଁ ରାମ ମନ୍ଦିରର ଦ୍ୱାର ଖୋଲିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ତାଙ୍କ କାର୍ଯ୍ୟକାଳ ମଧ୍ୟରେ ପ୍ରଧାନମନ୍ତ୍ରୀ ମୋଦି ଏପରି ସମସ୍ତ କାର୍ଯ୍ୟ ସମାପ୍ତ କରିଛନ୍ତି ଯାହା ସମସ୍ତଙ୍କ ପାଇଁ ଅସମ୍ଭବ ମନେହୁଏ। କାଶ୍ମୀରରୁ ଧାରା ୩୭୦ ଅପସାରଣ ହେଉ କିମ୍ବା ୱାନ ରାଙ୍କ ୱାନ ପେନସନ ଲାଗୁ ହେଉ।
