ଖଇରା,୧୩।୭(ଉତ୍କଳବନ୍ଧୁ ପଣ୍ଡା)ମହିଳାମାନଙ୍କୁ ସ୍ବାବଲମ୍ବୀ କରିବା, ସେମାନଙ୍କୁ ରୋଜଗାର ପନ୍ଥା ଯୋଗାଇଦେବା ସହ ସେମାନଙ୍କୁ ରାଜ୍ୟ ପ୍ରଗତିରେ ଅଂଶୀଦାର ଭାବେ ବିବେଚିତ କରାଯାଇ ସେମାନଙ୍କ ପାଇଁ ସରକାର ବଜେଟରେ ମୋଟା ଅଙ୍କର ଅର୍ଥ ବ୍ୟୟବରାଦ କରୁଛନ୍ତି। ମହିଳା ଗୋଷ୍ଠୀର ବୈଠକ, ଆଗାମୀ କାର୍ଯ୍ୟକ୍ରମ ରୂପରେଖ ପ୍ରସ୍ତୁତି ପାଇଁ ଆବଶ୍ୟକତା ଦୃଷ୍ଟିରୁ ସ୍ବତନ୍ତ୍ର ଗୃହ ନିର୍ମାଣ ପାଇଁ ସରକାର ଅର୍ଥ ଯୋଗାଇ ଦେଉଛନ୍ତି। ହେଲେ ଠିକାଦାର ଓ ଯନ୍ତ୍ରୀ ଏହାକୁ ଗୁରୁତର ସହ ନେଉ ନ ଥିବାରୁ ସରକାରଙ୍କ ଏଭଳି ମିଶନ ଅଧିକାଂଶ ସ୍ଥାନରେ ଫେଲ୍ ହେବାକୁ ବସିଲାଣି ା ଏହି ଫେଲ୍ ତାଲିକାରେ ଅନ୍ତର୍ଭୁକ୍ତ ହୋଇ ଯାଇଛି ଖଇରାରେ ନିର୍ମାଣାଧୀନ ମିଶନଶକ୍ତି ଭବନ। ତୁରନ୍ତ ଉକ୍ତ ଭବନ ନିର୍ମାଣକୁ ସମ୍ପୂର୍ଣ୍ଣ କରିବାକୁ ବିଭିନ୍ନ ପଞ୍ଚାୟତର ଥିବା ମହାସଂଘର କର୍ମକର୍ତ୍ତାମାନେ ଦାବି କରିଛନ୍ତି ା
ବିଭିନ୍ନ ମହିଳା ଗୋଷ୍ଠୀଙ୍କ କର୍ମକୁଶଳତା ତଥା ସେମାନଙ୍କ କାର୍ଯ୍ୟକୁ ପ୍ରୋତ୍ସାହିତ କରିବାକୁ ଏକ ଗୃହର ଆବଶ୍ୟକତା ପଡିବା ପରେ ଖଇରା ବ୍ଲକ ପରିସରରେ ଏକ ଭବନ ନିର୍ମାଣ ପାଇଁ ପାଖାପାଖି ୩୫ଲକ୍ଷ ଟଙ୍କା ପ୍ରଦାନ କରାଯାଇଥିଲା ା ୨୦୨୧ ଅକ୍ଟୋବର ୨୧ତାରିଖରେ ଏହାର ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା। ନିର୍ମାଣର ଅବଧି ୯ମାସ ଥିବା ବେଳେ ଏହା ୨୦୨୨ ଜୁନ୍ କିମ୍ବା ଜୁଲାଇରେ ଶେଷ ହେବା କଥା। ହେଲେ ବିଡମ୍ବନାର ବିଷୟ ଯେ, ଏ ପର୍ଯ୍ୟନ୍ତ ୪୦ ପ୍ରତିଶତ କାମସରିନାହିଁ ା ଏଣୁ ଭବନ ସମ୍ପୂର୍ଣ୍ଣ ହେବାକୁ ନେଇ ଶହ ଶହ ମହିଳା ଗୋଷ୍ଠୀ ସନ୍ଦିହାନ ହୋଇପଡିଛନ୍ତି। ଏପରିକି ଠିକାଦାର ଘର ନିର୍ମାଣ ପାଇଁ ଆଣିଥିବା ସିମେଣ୍ଟକୁ ବେପରୁଆ ଢଙ୍ଗରେ ନିକଟସ୍ଥ କୃଷି କାର୍ଯ୍ୟାଳୟରେ ଫୋପାଡି ଚାଲିଯାଇଥିବା ବେଳେ ତେବେ ସରକାରୀ କା ମାଲ ଭଳି ଏଗୁଡିକ ପଥର ପାଲଟିଗଲାଣି ା ପୂର୍ତ୍ତ ବିଭାଗ ଅଧୀନରେ ଚାଲିଥିବା ଏହି ବେପରୁଆ କାର୍ଯ୍ୟ ପ୍ରତି କୌଣସି ଅଧିକାରୀଙ୍କ ନିଘା ନ ଥିବା ଅଭିଯୋଗ ହୋଇଛି। ଏନେଇ ବିଭିନ୍ନ ବୈଠକରେ ଆଲୋଚନା ହେଉଥିଲେ ଯନ୍ତ୍ରୀ କି ଠିକାଦାର ଗୁରୁତ୍ୱ ଦେଉ ନ ଥିବା ଅଭିଯୋଗ ହୋଇଛି ା
ଏ ସମ୍ପର୍କରେ ସହକାରୀ ଯନ୍ତ୍ରୀ ଜ୍ୟୋତିପ୍ରକାଶ ପଣ୍ଡାଙ୍କୁ ପଚରାଯିବାରୁ କିଛି ସମସ୍ୟା ପାଇଁ ଠିକାଦାର କାର୍ଯ୍ୟ ବନ୍ଦ ରଖିଥିଲେ। ତୁରନ୍ତ ସାରିବାକୁ ନିର୍ଦ୍ଦେଶ ଦିଆଯାଇଥିବା କହିଛନ୍ତି।
