ଓ୍ବାଶିଂଟନ: ଭାରତୀୟ-ଆମେରିକୀୟ ବଂଶୋଦ୍ଭବ ଆର଼୍ୟା ଓ୍ବାଲ୍ଭେକର ଚଳିତ ବର୍ଷ ମିସ୍ ଇଣ୍ଡିଆ ୟୁଏସ୍ଏର ମୁକୁଟ ହାତେଇଛନ୍ତି। ୪୦ତମ ମିସ୍ ଇଣ୍ଡିଆ ୟୁଏସ୍ଏ ପ୍ରତିଯୋଗିତା ଆମେରିକାର ନ୍ୟୁ ଜର୍ସିରେ ଅନୁଷ୍ଠିତ ହୋଇଥିଲା। ୧୮ ବର୍ଷୀୟା ଆର଼୍ୟା ଜଣେ ଅଭିନେତ୍ରୀ ହେବାକୁ ଆଶା ରଖିଛନ୍ତି। ପିଲାଟି ଦିନରୁ ତାଙ୍କର ସୁନ୍ଦରୀ ପ୍ରତିଯୋଗିତାରେ ଅଂଶଗ୍ରହଣ ନେଇ ତାଙ୍କ ଆଗ୍ରହ ଥିବା ସେ କହିଛନ୍ତି।
ଆର୍ୟ ଭର୍ଜିନିଆର ବ୍ରିଅର୍ ଉଡ୍ସ ହାଇସ୍କୁଲରେ ପାଠ ପଢ଼ନ୍ତି। ଖାଲି ଅଭିନୟ ନୁହେଁ ରୋଷେଇ, ଡାନ୍ସ କରିବା ମଧ୍ୟ ତାଙ୍କୁ ଖୁବ୍ ପସନ୍ଦ ବୋଲି ସେ କହିଛନ୍ତି। ନିଜର ଏକ ଡ୍ୟାନ୍ସିଂ ଷ୍ଟୁଡିଓ ତିଆରି କରିଛନ୍ତି, ଯେଉଁଠାରେ ନାଚ ପ୍ରତି ଆଗ୍ରହୀ ପିଲାମାନଙ୍କୁ ସେ ନାଚ ଶିଖାଉଛନ୍ତି। ମେଣ୍ଟାଲ୍ ହେଲ୍ଥ ଏବଂ ବଡି ପଜିଟିଭିଟି ହେଲ୍ଥ ମୁଭ୍ମେଣ୍ଟରେ ସେ ଅଂଶ ଗ୍ରହଣ କରିବା ସହ ଅନେକ ଆଓ୍ବାରନେଶ୍ କ୍ୟାମ୍ପେନ୍ରେ ମଧ୍ୟ ଆର଼୍ୟା ଜଡ଼ିତ ଥିବା କୁହାଯାଉଛି। ଅନୁଷ୍ଠିତ ମିସେସ୍ ଇଣ୍ଡିଆ ୟୁଏସ୍ଏ ପ୍ରତିଯୋଗିତାରେ ଆକ୍ସି ଜୈନ ଓ୍ବିନ୍ କରିଥିବାବେଳେ ମିସ୍ ଟିନ୍ ଇଣ୍ଡିଆ ୟୁଏସ୍ଏରେ ତାନଭି ଗ୍ରୋଭର ବିଜୟଲାଭ କରିଛନ୍ତି। ଅନୁଷ୍ଠିତ ବ୍ୟୁଟି କମ୍ପିଟିଶନ୍ରେ ମୋଟ ୭୪ ଜଣ ପ୍ରତିଯୋଗୀ ଭାଗ ନେଇଥିଲେ। ବିଦେଶରେ ରହୁଥିବା ଭାରତୀୟଙ୍କ ଉଦ୍ଦେଶ୍ୟରେ ପାଳନ କରାଯାଉଥିବା ଏ ପ୍ରକାର ପ୍ରତିଯୋଗିତା ସେମାନଙ୍କ ପାଇଁ ଲାଭପ୍ରଦ ସାବ୍ୟସ୍ତ ହୋଇଥିବା ଓ୍ବାଲର୍ଡଓ୍ବାଇଡ୍ ପିଜାଣ୍ଟର ସଂସ୍ଥାପକ ଏବଂ ସଭାପତି ଧର୍ମାତ୍ମା କହିଛନ୍ତି।
