ମୁମ୍ବାଇ: ବଲିଉଡ୍ର କିଙ୍ଗ ଖାନ୍ ଶାହାରୁଖ ନଭେମ୍ବର ୨ ଅର୍ଥାତ୍ ଗତକାଲି ତାଙ୍କର ଜନ୍ମଦିନ ପାଳନ କରିଥିଲେ। ଏହି ଖାସ୍ ଦିନରେ କିଙ୍ଗ୍ଖାନ୍ ପ୍ରଶଂସକମାନଙ୍କୁ ବେଶ୍ ଖୁସି ବି କରିଥିଲେ। ଗୁରୁବାର ତାଙ୍କର ଏହି ଖୁସି ମୁହୂର୍ତ୍ତର ଫଟୋ ଭାଇରାଲ ହେଉଛି। ଶାହାରୁଖ୍ଙ୍କୁ ଜନ୍ମଦିନର ଶୁଭେଚ୍ଛା ଜଣାଇବା ପାଇଁ ତାଙ୍କ ବଙ୍ଗଳା ‘ମନ୍ନତ’ ଆଗରେ ଲକ୍ଷାଧିକ ପ୍ରଶଂସକ ଏକଜୁଟ୍ ହୋଇଥିଲେ। ଏହି ସ୍ବତନ୍ତ୍ର ଦିନରେ ଶାହାରୁଖ କେକ୍ କାଟିବା ସହ ପ୍ରଶଂସକଙ୍କ ଅନୁରୋଧରେ ଡ୍ୟାନ୍ସ କରିଥିଲେ।
ସୁପରଷ୍ଟାର ତାଙ୍କ ପ୍ରତ୍ୟାବର୍ତ୍ତନ ଫିଲ୍ମ ‘ପଠାନ’ ଜରିଆରେ କରିଛନ୍ତି। ଟିଜର ଲଞ୍ଚ କରି ସେ ପ୍ରଶଂସକମାନଙ୍କୁ ଉପହାର ଭେଟି ଦେଇଛନ୍ତି। ଶାହାରୁଖ ତାଙ୍କର ପ୍ରିୟ ଗୀତ ଛେୟା ଛେୟାରେ ଡ୍ୟାନ୍ସ ବି କରିଥିଲେ। ଯେଉଁଥିରେ ଦର୍ଶକମାନେ ମଧ୍ୟ ଝୁମି ଉଠିଥିଲେ।
ଶାହାରୁଖଙ୍କ ଟୁଇଟରକୁ ଯାଇ ପ୍ରଶଂସକମାନେ ତାଙ୍କୁ ଶୁଭେଚ୍ଛା ଜଣାଇଛନ୍ତି। ବାଲକୋନିରୁ ନିଆଯାଇଥିବା ସେଲ୍ଫି ବଙ୍ଗଳା ବାହାରେ ଏକତ୍ରିତ ହୋଇଥିବା ଲୋକଙ୍କ ସହ ଏକ ଫଟୋ ଶେୟାର କରି ଲେଖିଥିଲେ, ‘ମୋ’ ଜନ୍ମଦିନରେ ପ୍ରେମର ସମୁଦ୍ର ଚାରିଆଡ଼େ ବ୍ୟାପି ଯାଇଥିଲା। ଜନ୍ମଦିନରେ ମୋତେ ଏତେ ସ୍ବତନ୍ତ୍ର ଅନୁଭବ କରିଥିବାରୁ ଧନ୍ୟବାଦ … ଏବଂ ମୁଁ ବହୁତ ଖୁସି।’
