ରାଜ୍ୟଗୁଡିକୁ ଗୃହ ମନ୍ତ୍ରଣାଳୟର ଚିଠି: ପ୍ଲାଷ୍ଟିକ ତ୍ରିରଙ୍ଗା ବ୍ୟବହାର ବନ୍ଦ କରାଯାଉ

ନୂଆଦିଲ୍ଲୀ,୮।୮:ସ୍ବାଧୀନତା ଦିବସ ପୂର୍ବରୁ ପ୍ଲାଷ୍ଟିକରେ ପ୍ରସ୍ତୁତ ତ୍ରିରଙ୍ଗା ବ୍ୟବହାରକୁ ଅନୁମତି ନ ଦେବାକୁ କେନ୍ଦ୍ର ରାଜ୍ୟଗୁଡିକୁ ନିର୍ଦ୍ଦେଶ ଦେଇଛି। ଲୋକମାନେ ପ୍ଲାଷ୍ଟିକର ଜାତୀୟ ପତାକା ବ୍ୟବହାର ନ କରିବାକୁ କେନ୍ଦ୍ର କହିଛି। କାରଣ ଅଣ-ଜୈବ ବସ୍ତୁଗୁଡିକରେ ନିର୍ମିତ ଆଇଟମଗୁଡିକର ସଠିକ ନିଷ୍କାସନ ହୋଇପାରେ ନାହିଁ। କେନ୍ଦ୍ର ଗୃହ ମନ୍ତ୍ରଣାଳୟ ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ପଠାଯାଇଥିବା ଚିଠିରେ କହିଛି ଯେ, ଜାତୀୟ ପତାକା ଦେଶର ଲୋକଙ୍କ ଆଶା ଏବଂ ଆକାଂକ୍ଷାକୁ ପ୍ରତିପାଦିତ କରୁଛି। ତେଣୁ ଏହା ସମ୍ମାନର ସ୍ଥିତିରେ ରହିବା ଉଚିତ। ମନ୍ତ୍ରଣାଳୟ କହିଛି ଯେ ଜାତୀୟ ପତାକା ପ୍ରତି ସମସ୍ତଙ୍କ ସ୍ନେହ, ସମ୍ମାନ ଏବଂ ବିଶ୍ୱସ୍ତତା ରହିଛି। ତଥାପି ସରକାର କିମ୍ବା ଏଜେନ୍ସି ମଧ୍ୟରେ ସଚେତନତାର ଅଭାବରୁ ପ୍ଲାଷ୍ଟିକରେ ପ୍ରସ୍ତୁତ ପତାକା ମଧ୍ୟ ଗୁରୁତ୍ୱପୂର୍ଣ୍ଣ ଜାତୀୟ, ସାଂସ୍କୃତିକ ଏବଂ କ୍ରୀଡା ଇଭେଣ୍ଟରେ କାଗଜ ସ୍ଥାନରେ ବ୍ୟବହୃତ ହୁଏ। ତେଣୁ, ‘ଫ୍ଲାଗ କୋଡ ଅଫ ଇଣ୍ଡିଆ, ୨୦୦୨’ ନିୟମ ଅନୁଯାୟୀ କେବଳ କାଗଜ ତିଆରି ପତାକା ଜନସାଧାରଣଙ୍କ ଦ୍ୱାରା ବ୍ୟବହୃତ ହେବା ଉଚିତ। ଏହା ବ୍ୟତୀତ କାର୍ଯ୍ୟକ୍ରମ ପରେ ପତାକା ଭୂମିରେ ପକାଯିବା ଉଚିତ ନୁହେଁ।