ନୂଆଦିଲ୍ଲୀ,୧୩।୨: ଦେଶର ପ୍ରମୁଖ ଟ୍ରାକ୍ଟର ନିର୍ମାତା ‘ଟାଫେ ଟ୍ରାକ୍ଟର୍ସ ଆଣ୍ଡ୍ ଫାର୍ମ ଇକ୍ୱିପ୍ମେଣ୍ଟ ଲିମିଟେଡ୍’ ପକ୍ଷରୁ ଏକ ଅଭିନବ ପ୍ରତିଯୋଗିତା ସମ୍ପର୍କରେ ଘୋଷଣା କରାଯାଇଛି। ଏପରିକି ‘ମେସି ଡାଇନାଷ୍ଟାର୍ କଣ୍ଟେଷ୍ଟ-୨୦୨୩ ହାସଟ୍ୟାଗ ସବ୍ସେ ବଡ଼େ ଅଲ୍ରାଉଣ୍ଡର୍ କି ତଲାସ୍’ ସିଜନ-୧ର ଶୁଭାରମ୍ଭ କରାଯାଇଛି। ଉକ୍ତ ପ୍ରତିଯୋଗିତାର ବିଜେତାଙ୍କୁ ୭.୫ ଲକ୍ଷ ଟଙ୍କା ମୂଲ୍ୟର ଏକ ମେସି ଫର୍ଗୁସନ ୨୪୧ ଡାଇନାଟ୍ରାକ୍ ଟ୍ରାକ୍ଟର ପ୍ରଦାନ କରାଯିବ। ଏହାବ୍ୟତୀତ ପ୍ରଥମ ୨ରନର୍ ଅପ୍ଙ୍କୁ ୮ଗ୍ରାମ୍ର ଗୋଲ୍ଡ କଏନ୍ ସହ ଶୀର୍ଷ ୨୦ ମନୋନୀତ ଅଂଶଗ୍ରହଣକାରୀଙ୍କୁ ୫୦୦୦ ଟଙ୍କା ମୂଲ୍ୟର ଗିଫ୍ଟ ହାମ୍ପର ପ୍ରଦାନ କରାଯିବ ବୋଲି ଟାଫେ ପକ୍ଷରୁ କୁହାଯାଇଛି।
ସେହିଭଳି ପ୍ରଥମ ୧୦୦ଜଣ ବୈଧ ପ୍ରାରମ୍ଭିକ ପ୍ରତିଯୋଗୀଙ୍କୁ ୫୦୦ଟଙ୍କା ମୂଲ୍ୟର ଗିଫ୍ଟ ଭାଉଚର ଏବଂ ପ୍ରତିଯୋଗିତା ଉପରେ ୩ଟି ସର୍ବୋତ୍ତମ ସୋସିଆଲ ମିଡିଆ ପୋଷ୍ଟକୁ ୨୦୦୦ଟଙ୍କା ମୂଲ୍ୟର ଗିଫ୍ଟ ଭାଉଚର ମିଳିବ। ଉକ୍ତ ପ୍ରତିଯୋଗିତାରେ ସମସ୍ତ ଭାରତୀୟ ନାଗରିକ (୧୮ବର୍ଷରୁ ଊର୍ଦ୍ଧ୍ୱ)ଙ୍କ ପାଇଁ ବିନା କୌଣସି ପ୍ରବେଶ ଶୁଳ୍କରେ ସାମିଲ ହେବାକୁ ଆହ୍ବାନ କରାଯାଇଛି। ଏହାର ଅଂଶଗ୍ରହଣକାରୀମାନେ କମ୍ପାନୀର ଓ୍ବେବ୍ସାଇଟ୍ ଭିଜିଟ୍ କରି ନିଜର କଣ୍ଟେଷ୍ଟ ଏଣ୍ଟ୍ରିକୁ ଅପ୍ଲୋଡ କରିପାରିବେ। ଏପରିକି ଉକ୍ତ ପ୍ରତିଯୋଗିତା ପାଇଁ ପଞ୍ଜୀକରଣ ୨୦୨୩ ଫେବୃୟାରୀ ୨୭ ତାରିଖ ପର୍ଯ୍ୟନ୍ତ ଖୋଲା ରହିବ।
ଉକ୍ତ ପ୍ରତିଯୋଗିତାରେ ଅଂଶଗ୍ରହଣ କରିବା ପାଇଁ ପ୍ରତିଯୋଗୀଙ୍କୁ ୱେବ୍ସାଇଟ୍ରେ ପଞ୍ଜୀକରଣ କରିବାକୁ ହେବ। ଅପରପକ୍ଷରେ ଏମ୍ଏଫ୍ ଡାଇନାଟ୍ରାକ୍ ଟ୍ରାକ୍ଟର ସମ୍ପର୍କରେ ୪ଟି ସରଳ ପ୍ରଶ୍ନ ଥିବା ଏକ ସହଜ କୁଇଜ୍ର ଉତ୍ତର ଦେବାକୁ ହେବ। କୁଇଜ୍କୁ ସଫଳତାର ସହ ଶେଷ କରିବା ପରେ ନିଜ ସମ୍ପର୍କିତ ମୌଳିକ ସୂଚନା ଓ ନିଜର କଣ୍ଟେଷ୍ଟ ଏଣ୍ଟ୍ରିକୁ ଭିଡିଓ କିମ୍ବା ଟେକ୍ସଟ୍ ଫର୍ମାଟ୍ରେ ଦାଖଲ କରିବାକୁ ହେବ। ପରିଶେଷରେ ଫାଇନାଲିଷ୍ଟ ଓ ବିଜେତାଙ୍କ ନାମ ଅଫିସିଆଲ ମେସି ଫର୍ଗୁସନ ଇଣ୍ଡିଆ ଓ ଟାଫେ ୱେବ୍ସାଇଟ୍ରେ ପ୍ରକାଶ କରାଯିବ।
