ଭାପୁର, ୯।୯(ଡି.ଏନ.ଏ): ଢେଙ୍କାନାଳ ସଦର ବ୍ଲକ ଛଦେଶସ୍ଥିତ ଦେବେନ୍ଦ୍ର ଶତପଥୀ ସ୍ମାରକୀ ଉଚ୍ଚ ମାଧ୍ୟମିକ ବିଦ୍ୟାଳୟ ଏବଂ ଦେବେନ୍ଦ୍ର ଶତପଥୀ ସ୍ମାରକୀ ଡିଗ୍ରୀ ମହାବିଦ୍ୟାଳୟରେ ଗୁରୁବାର ପୂର୍ବତନ ଏମ୍ପି ତଥା ବିଶିଷ୍ଟ ସାମାଜିକ କର୍ମୀ ଦେବେନ୍ଦ୍ର ଶତପଥୀଙ୍କ ୯୪ତମ ଜୟନ୍ତୀ ପାଳିତ ହୋଇଯାଇଛି। ଆୟୋଜିତ କାର୍ଯ୍ୟକ୍ରମରେ ଯୁକ୍ତ ୩ କଲେଜ ଅଧ୍ୟକ୍ଷା ମଞ୍ଜୁଶ୍ରୀ ମୁଖୀ ସଭାପତିତ୍ୱ କରିଥିଲେ। ପାଠ ପଢ଼ିବା ସହ ଭଲ ମଣିଷ ହେବାକୁ ସେ ଛାତ୍ରୀଛାତ୍ରଙ୍କୁ ପରାମର୍ଶ ଦେଇଥିଲେ। ଯୁକ୍ତ ୨ ଉଚ୍ଚ ମାଧ୍ୟମିକ ବିଦ୍ୟାଳୟ ଅଧ୍ୟକ୍ଷ ଚନ୍ଦ୍ରଶେଖର ପଣ୍ଡା ସ୍ବର୍ଗତ ଶତପଥୀଙ୍କ ସ୍ମୃତିଚାରଣ କରିବା ସହ ତାଙ୍କ ନୀତିଆଦର୍ଶରେ ଅନୁପ୍ରାଣିତ ହେବା ପାଇଁ ଆହ୍ବାନ ଦେଇଥିଲେ। ସ୍ବର୍ଗତ ଦେବେନ୍ଦ୍ର ଶତପଥୀଙ୍କ ଭଳି ଜଣେ ବରେଣ୍ୟ ବ୍ୟକ୍ତିଙ୍କ ନାମରେ ଏହି ଦୁଇ ଶିକ୍ଷାନୁଷ୍ଠାନ ପ୍ରତିଷ୍ଠିତ। ଏଠାରୁ ବହୁ ଛାତ୍ରୀଛାତ୍ର ଉତ୍ତୀର୍ଣ୍ଣ ହୋଇ ସୁନାମ ଅର୍ଜିଛନ୍ତି। ଜୟନ୍ତୀ ସମାରୋହ ତାଙ୍କୁ ମନେ ପକାଇବା ଲାଗି ଅବସର ସୃଷ୍ଟି କରିଛି ବୋଲି ସେ ମତବ୍ୟକ୍ତ କରିଥିଲେ। ୧୯୯୦ ଦେବେନ୍ଦ୍ର ଶତପଥୀଙ୍କ ଦେହାନ୍ତ ପରେ ୧୯୯୧ ଶ୍ରୀରାମ ନବମୀରେ ତାଙ୍କ ପୁତ୍ର ତଥା ପୂର୍ବତନ ଏମ୍ପି ତଥାଗତ ସତପଥୀଙ୍କ କରକମଳରେ ଏହି ଅନୁଷ୍ଠାନର ଭିତ୍ତିପ୍ରସ୍ତର ସ୍ଥାପନ କରାଯାଇଥିଲା। ଏହି ଅନୁଷ୍ଠାନରେ ଶିକ୍ଷାଲାଭ କରି ବହୁ ଛାତ୍ରୀଛାତ୍ର ଉଚ୍ଚ ପଦପଦବୀ ହାସଲ କରିଛନ୍ତି ବୋଲି ସୂଚନା ଦିଆଯାଇଥିଲା। କାର୍ଯ୍ୟକ୍ରମରେ ଅନୁଷ୍ଠାନର ସମସ୍ତ ଅଧ୍ୟାପିକା, ଅଧ୍ୟାପକ, କର୍ମଚାରୀ ଓ ଛାତ୍ରୀଛାତ୍ର ଉପସ୍ଥିତ ଥିଲେ।
