ଭୁବନେଶ୍ୱର,୧୩।୮: ଦେଶର ପ୍ରମୁଖ ଘରୋଇ ସଂସ୍ଥା କସ୍ମୋ କନେକ୍ଟର ଆଉ ଏକ ଷ୍ଟୋର ଓଡ଼ିଶା ବଜାରରେ ଶୁଭାରମ୍ଭ ହୋଇଯାଇଛି। ବିଶେଷକରି କସ୍ମୋ ବଜାରର ମେଗା ଷ୍ଟୋର ଶୁକ୍ରବାର କଟକର ବାଦାମବାଡ଼ିଠାରେ ଉଦ୍ଘାଟିତ ହୋଇଯାଇଛି। ଏହି ଅବସରରେ ବରିଷ୍ଠ ଆଇନଜୀବୀ ପ୍ରଦୀପ ପଟ୍ଟନାୟକ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ କମ୍ପାନୀର ଏରିଆ ମ୍ୟାନେଜର ବିଜୟ ପଣ୍ଡା ଓ ଅନ୍ୟମାନେ ଯୋଗଦେଇଥିଲେ। ଏଠାରେ ମେନ୍ସ ଓ୍ବେୟର, ଲେଡିସ ଓ୍ବେୟର, କିଡ୍ସ ଓ୍ବେୟର, ଆସୋସିରିଜ, ଶାଢ଼ି ଏବଂ ହୋମ୍ ଫର୍ନିସିଂ ଭଳି ଗୁଣାତ୍ମକ ମାନର ସାମଗ୍ରୀ ସୁଲଭ ମୂଲ୍ୟରେ ଗ୍ରାହକମାନେ ପାଇପାରିବେ। ଉଦ୍ଘାଟନୀ ଅଫର ଅଗଷ୍ଟ ୩୧ ପର୍ଯ୍ୟନ୍ତ ଉପଲବ୍ଧ ରହିଛି। ଉଲ୍ଲେଖଯୋଗ୍ୟ, ସମଗ୍ର ଦେଶରେ କମ୍ପାନୀର ୩୫ଟି ଷ୍ଟୋର ରହିଥିବାବେଳେ ଓଡ଼ିଶା ବଜାରରେ ବାଲେଶ୍ୱର, ଭଦ୍ରକ, ଯାଜପୁର ଏବଂ କଟକ ଜିଲାର ପ୍ରମୁଖ ବଜାରଗୁଡିକରେ ଷ୍ଟୋର ରହିଛି।
