ନୂଆଦିଲ୍ଲୀ,୪।୧୨ : ଦିଲ୍ଲୀର ମ୍ୟୁନିସିପାଲିଟି କର୍ପୋରେଶନ (ଏମସିଡି ) ନିର୍ବାଚନ ପାଇଁ ମତଦାନ ରବିବାର ଆଠଟାରୁ ଆରମ୍ଭ ହୋଇଛି। ଚଳିତ ଥର ଭୋଟ ପାଇଁ ମୋଟ ୧୩,୬୩୮ ମତଦାନ କେନ୍ଦ୍ର ସ୍ଥାପନ କରାଯାଇଛି। ସେଥିରେ ୬୮ଟି ମଡେଲ ମତଦାନ କେନ୍ଦ୍ର ଅଛି । ଏଠାରେ ୬୮ ପିଙ୍କ ମତଦାନ କେନ୍ଦ୍ର ରହିଛି । ୪୯୨ ଟି ସମ୍ବେଦନଶୀଳ ଅଞ୍ଚଳ ଏବଂ ୩,୩୫୬ ସମ୍ବେଦନଶୀଳ ମତଦାନ କେନ୍ଦ୍ର ରହିଛି । ଭୋଟ ପାଇଁ ମୋଟ ୫୬,୫୭୩ ଇଭିଏମ ଉପଲବ୍ଧ କରାଯାଇଛି। ଏହି ନିର୍ବାଚନରେ ଭାଜପା, ଆମ ଆଦମୀ ପାର୍ଟି ଏବଂ କଂଗ୍ରେସ ମଧ୍ୟରେ ମୁଖ୍ୟତଃ ପ୍ରତିଯୋଗିତା ହେଉଛି।
ଦିଲ୍ଲୀ ମ୍ୟୁନିସିପାଲିଟି କର୍ପୋରେଶନ ନିର୍ବାଚନରେ ମୋଟ ଭୋଟରଙ୍କ ସଂଖ୍ୟା ହେଉଛି ୧,୪୫,୦୫,୩୨୨। ସେଥିମଧ୍ୟରୁ ୭୮,୯୩,୪୦୩ ଜଣ ପୁରୁଷ ଏବଂ ୬୬,୧୦,୮୫୮ ମହିଳା ଏବଂ ୧,୦୬୧ ଅନ୍ୟ ଭୋଟର ଅଛନ୍ତି। ବିଶେଷ କଥା ହେଉଛି ୧୦୦ ବର୍ଷରୁ ଅଧିକ ବୟସ୍କ ଭୋଟରଙ୍କ ସଂଖ୍ୟା ୨୨୯ ଥିବାବେଳେ ୮୦ ବର୍ଷରୁ ୧୦୦ ବର୍ଷ ବୟସ ମଧ୍ୟରେ ୨,୦୪,୩୦୧ ଜଣ ଭୋଟର ଅଛନ୍ତି।
ପ୍ରଥମ ଥର ମତଦାନ କରୁଥିବା ଭୋଟରଙ୍କ ସଂଖ୍ୟା ହେଉଛି ୯୫,୪୫୮। ସବୁଠାରୁ ଜନବହୁଳ ୱାର୍ଡ ହେଉଛି ମୟୂର ବିହାର -୧ । ଏଠାରେ ୮୮,୮୭୮ ଭୋଟର ଅଛନ୍ତି। ସର୍ବନିମ୍ନ ଜନସଂଖ୍ୟା ବିଶିଷ୍ଟ ୱାର୍ଡ ହେଉଛି କଞ୍ଝୱାଲା। ଏଠାରେ ସମୁଦାୟ ଭୋଟରଙ୍କ ସଂଖ୍ୟା ହେଉଛି ୪୦,୪୬୭।
