ନୂଆଦିଲ୍ଲୀ,୨୪।୧୦: ନିର୍ବାଚନ ପୂର୍ବରୁ ବିଭିନ୍ନ ଗଣମାଧ୍ୟମ ଦ୍ୱାରା କରାଯାଉଥିବା ପ୍ରି-ପୋଲ ସର୍ଭେରେ ଭୁଲ ତଥ୍ୟ ଦିଆଯାଇ ମତଦାତାଙ୍କୁ ପ୍ରଭାବିତ କରାଯାଉଛି। ଏଥିଲାଗି ଏହା ଉପରେ ୬ ମାସ ପାଇଁ ବ୍ୟାନ ଲଗାଯାଉ। ଉତ୍ତରପ୍ରଦେଶ ବିଧାନସଭା ନିର୍ବାଚନ ପୂର୍ବରୁ ନିର୍ବାଚନ ଆୟୋଗ(ଇସି)ଙ୍କ ନିକଟରେ ଏଭଳି ଦାବି ଉଠାଇଛି ବହୁଜନ ସମାଜ ପାର୍ଟି (ବିଏସ୍ପି)।
ମାୟବତୀଙ୍କ ଦଳ ପକ୍ଷରୁ ଲିଖିତ ଚିଠିରେ କୁହାଯାଇଛି, ଗତ ସେପ୍ଟେମ୍ବରରେ ଏକ ମିଡିଆ ଆଉଟ୍ ଲେଟ୍ ପକ୍ଷରୁ ପ୍ରକାଶ ପାଇଥିବା ପ୍ରି-ପୋଲ ସର୍ଭେ ଆମକୁ ଚକିତ କରି ଦେଇଥିଲା। ବିଏସ୍ପି କର୍ମୀଙ୍କ ମନବଳ ଭାଙ୍ଗିଦେବା ପାଇଁ ଏପରି କରାଯାଇଥିଲା। ଉକ୍ତ ପ୍ରି-ପୋଲ ଦର୍ଶାଯାଇଥିଲା ଯେ, ସରକାରୀ ଦଳକୁ ସର୍ବାଧିକ ଭୋଟ ମିଳିବ। ଏପରି କି ଦଳର ଭୋଟ ପ୍ରତିଶତ ୪୦ରୁ ଅଧିକ ରହିବ, ଯାହାକି ୨୦୧୭ ବିଧାନସଭା ନିର୍ବାଚନରେ ସେହି ଦଳକୁ ମିଳିଥିବା ଭୋଟ ଅଂଶଠାରୁ ଢ଼େର ଅଧିକ। ଏଭଳି ସ୍ପନରର୍ଡ ପ୍ରି ପୋଲ ସର୍ଭେଗୁଡ଼ିକର ଏକମାତ୍ର ଉଦ୍ଦେଶ୍ୟ ହେଉଛି, ଉତ୍ତରପ୍ରଦେଶ ଭୋଟରଙ୍କୁ ଭୁଲ ତଥ୍ୟ ଦେଇ ବିଭ୍ରାନ୍ତ କରିବା। ଏଥିଲାଗି ୨୦୨୨ ବିଧାନସଭା ନିର୍ବାଚନର ୬ ମାସ ପୂର୍ବରୁ ପ୍ରି-ପୋଲ୍ ସର୍ଭେ ଉପରେ ବ୍ୟାନ ଲଗାଯାଉ।
