ଦିଗପହଣ୍ଡି,୩।୫(ଅଶେଷ ନାଥ ମିଶ୍ର): ମାଧ୍ୟମିକ ଶିକ୍ଷା ପରିଷଦ ଦ୍ବାରା ପରିଚାଳିତ ଚଳିତ ବର୍ଷ ୧୦ମ ବୋର୍ଡ ପରୀକ୍ଷା ଫଳ ପ୍ରକାଶ ପାଇଛି। ଦିଗପହଣ୍ଡି ସରସ୍ବତୀ ଶିଶୁ ବିଦ୍ୟାମନ୍ଦିରର ପାସହାର ଶତ ପ୍ରତିଶତ ରହିଥିବା ବେଳେ ଛାତ୍ରୀ ପ୍ରଜ୍ଞାରାଣୀ ପଣ୍ଡା ୬୦୦ ମାର୍କରୁ ୫୬୩ ନମ୍ବର ରଖି ବ୍ଲକ ଟପ୍ପର ହୋଇଥିବା ଜଣାପଡିଛି । ଚଳିତ ବର୍ଷ ଶିଶୁ ବିଦ୍ୟାମନ୍ଦିରର ୧୧୫ ଜଣ ବିଦ୍ୟାର୍ଥୀ ପରୀକ୍ଷା ଦେଇଥିବା ବେଳେ ସେଥିରୁ ୯ ଜଣ ଏ-୧ ଗ୍ରେଡ , ୨୬ ଜଣ ଏ- ୨ , ୨୯ ଜଣ ବି-୧ , ୩୦ ଜଣ ବି-୨ , ସି- ୧୯ , ଡି ଗ୍ରେଡରେ ୨ ଜଣ ଉତ୍ତୀର୍ଣ୍ଣ ହୋଇଛନ୍ତି। ଏ-୧ ଗ୍ରେଡ଼ ରଖିଥିବା ଅନ୍ୟ ଛାତ୍ରୀଛାତ୍ର ମାନେ ହେଲେ ସ୍ବୟଂସିଦ୍ଧା ପଣ୍ଡା ( ୫୬୦) , ପ୍ରଣୀତ ଜେନା ( ୫୫୯) , ଦିବ୍ୟ ରଞ୍ଜନ ଚୌଧୁରୀ ( ୫୫୮) , ସୁମିତ ଷଡ଼ଙ୍ଗୀ ( (୫୪୮) , ଇଷିକା ଜେନା ( ୫୪୬) , ଦେବଶ୍ରୀ ନାୟକ ( ୫୪୫) , ଦୀପିକା ନାୟକ (୫୪୩) , ଦେବାଶିଷ ପାଢ଼ୀ (୫୪୨।
ଛାତ୍ରୀଛାତ୍ରଙ୍କ ଏଭଳି ସଫଳତା ପାଇଁ ଶିଶୁ ମନ୍ଦିରର ପ୍ରଧାନ ଆଚାର୍ଯ୍ୟ ଷଷ୍ଠୀ ପ୍ରସାଦ ବିଷୋୟୀ ଓ ଭଗବତୀ ପ୍ରସାଦ ମିଶ୍ର , ବିଦ୍ୟାମନ୍ଦିର ପରିଚାଳନା ସମିତି ସଭାପତି ରାମଚନ୍ଦ୍ର ସାହୁ ,ସମ୍ପାଦକ ପ୍ରକାଶ ଚନ୍ଦ୍ର ପ୍ରଧାନଙ୍କ ସମେତ ସମସ୍ତ ଆଚାର୍ଯ୍ୟା ଆଚାର୍ଯ୍ୟ ପ୍ରମୁଖ ଶୁଭକାମନା ଜଣାଇବା ସହ ସେମାନଙ୍କ ଉଜ୍ଜଳ ଭବିଷ୍ୟତ କାମନା କରିଛନ୍ତି। ଏଭଳି ସଫଳତା ପାଇଁ ବିଦ୍ୟାମନ୍ଦିରର ସମସ୍ତ ଆଚାର୍ଯ୍ୟା ଆଚାର୍ଯ୍ୟଙ୍କ ଦକ୍ଷତା, ମାତାପିତାଙ୍କ ଓ ଗୁରୁଜନଙ୍କ ଆର୍ଶୀବାଦ ଓ ପ୍ରେରଣା ଫଳରେ ଏଭଳି କୃତିତ୍ୱ ହାସଲ କରିପାରିଥିବା ଛାତ୍ରୀଛାତ୍ରମାନେ ସେମାନଙ୍କ ପ୍ରତିକ୍ରିୟାରେ କହିଛନ୍ତି । ସେହିପରି ଦିଗପହଣ୍ଡି ବ୍ଲକର ୩୩ଟି ସରକାରୀ ଓ ୨ଟି ବେସରକାରୀ ହାଇସ୍କୁଲର ୨୩୨୩ ଛାତ୍ରୀଛାତ୍ର ପରୀକ୍ଷା ନିମନ୍ତେ ଫର୍ମ ପୂରଣ କରିଥିଲେ। ସେଥି ମଧ୍ୟରୁ ୨୩୦୧ ଛାତ୍ରୀଛାତ୍ର ପରୀକ୍ଷା ଦେଇଥିଲେ। ସେମାନଙ୍କ ମଧ୍ୟରୁ ୨୨୪୫ ଛାତ୍ରୀଛାତ୍ର ପାସ କରିଥିବା ବ୍ଲକ ସହକାରୀ ଶିକ୍ଷାଧିକାରୀ ବାଳା ମାଝୀ ଜଣାଇଛନ୍ତି ।
